Navukoŭcy vyjavili, što ŭ hetym vinavatyja peŭnyja vidy bakteryj, jakija žyvuć unutry čałavieka.
Daśledčyki z univiersitetaŭ Harvarda, Prynstana i Paŭnočnaj Karaliny zmahli vyjavić sapraŭdnuju pryčynu ŭźniknieńnia złości, jakaja adbyvajecca padčas hoładu. Pa ich słovach, u hetym vinavatyja peŭnyja vidy bakteryj, jakija žyvuć unutry čałavieka.
Adpaviednaje daśledavańnie było apublikavana 3 krasavika ŭ navukovym časopisie Nature Microbiology.
Pavodle jaho vysnoŭ, niekatoryja vidy bakteryj u arhaniźmie čałavieka z-za niedachopu pažyŭnych rečyvaŭ vyłučajuć taksiny, jakija prymušajuć čałavieka złavacca.
U jakaści abjekta dla ekśpierymienta byŭ abrany Clostridium perfringens — pałačkapadobnaja bakteryja, jakuju možna znajści ŭ kišečniku čałavieka i inšych pazvanočnych, a taksama ŭ nasiakomych i prosta ŭ hlebie.
«Dla pravierki hipotezy ab taksičnaści heta bakteryja była padzielena na niekalki častak, kab ubačyć reakcyju na hoład kožnaj. U vyniku tyja, jakija niedaatrymlivali pažyŭnyja rečyvy, aktyŭna vyłučali taksin, jaki vyklikaje złość i niezadavolenaść. A tyja, chto atrymlivaŭ usio ź liškam, pavodzili siabie spakojna», — havorycca ŭ daśledavańni.
Ale charakternym źjaŭlajecca krychu inšaje — pry stałym niedajadańni arhanizma, a značyć i pry pastajannym vyłučeńni taksinu, bakteryi, padobnyja da Clostridium perfringens, zdolnyja macniej supraciŭlacca zvyčajnym i vysokajakasnym lekam.
Heta ŭ svaju čarhu pavialičvaje ryzyku ich pieratvareńnia ŭ supierbakteryi, jakija buduć mieć imunitet da antybijotykaŭ.
Uviadzieńnie pažyŭnych rečyvaŭ niepasredna niebiaśpiečnym bakteryjam moža adkryć novy alternatyŭny typ lačeńnia jak dla žyvioł, tak i dla ludziej.
«Naprykład, tak jak charčovaja pramysłovaść pastupova admaŭlajecca ad vykarystańnia antybijotykaŭ, svojskija žyvioły buduć stanavicca ŭsio bolš schilnymi da ŭsialakich chvarob. Naša adkryćcio, naadvarot, zmoža dać fiermieram novy instrumient dla pamianšeńnia kolkaści patahiennych bakteryj biez vykarystańnia antybijotykaŭ», — ličyć Adam Razental, dacent kafiedry mikrabijałohii i imunałohii Univiersiteta Paŭnočnaj Karaliny, a taksama adzin z aŭtaraŭ daśledavańnia.
Adnak, jak adznačaje Razental, adaptacyja hetaha adkryćcia pad patreby čałavieka nie adbudziecca chutka, bo na hety momant hetaja halina jašče niedastatkova vyvučanaja navukoŭcami.
«Chočacie ekanomna raschodavać siamiejny biudžet — ježcie, jak jeli našy prodki». Tak raić vybitnaja kucharka, vyprabavaŭšy ŭsio na sabie
Navukoŭcy stvaryli preparat, jaki dazvalaje jeści sałodkaje i nie taŭścieć
Niečakanyja znachodki: staražytnaje zachvorvańnie moža paspryjać rehienieracyi važnaha orhana
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary