Sa stoli Paryžskaj opiery patrabujuć prybrać freski Marka Šahała
Spadkajemcy francuzskaha mastaka Žula-Ežena Lenievio patrabujuć prybrać sa stoli Paryžskaj opiery freski raboty Marka Šahała, jakija ŭpryhožvajuć budynak z 1964 hoda, paviedamlaje telekanał BF MTV. Reč u tym, što pad freskami chavajecca rośpis Lenievio.
«My prosim, kab my mahli, narešcie, ubačyć stol, jakuju Lenievio raśpisaŭ u 1875 hodzie. Z 1964 hoda jana była schavanaja pad stollu Šahała, zapłanavanaj jak zdymnaja kanstrukcyja», — zajaviŭ advakat pravaŭładalnikaŭ i zasnavalnik «Asacyjacyi siabroŭ Lenievio».
Freska Marka Šahała, stvoranaja pa zamovie Andre Malro, tahačasnaha ministra kultury Francyi, sapraŭdy zdymnaja. Jana napisanaja na panelach z poliefirnaj smały. Hetaja rabota, jakaja padviarhałasia raniej surjoznaj krytycy z-za svajoj sučasnaści, što kantrastuje z kłasicyzmam hetaha miesca, ciapier suśvietna viadomaja.
Spadčyńniki Lenievio, poŭnyja rašučaści zrabić tak, kab ich hałasy byli pačutyja, arhanizujuć mitynh 9 maja, kab pasprabavać pierakanać Ministerstva kultury i kiraŭnictva Opiery.
Adnak šancaŭ u ich niašmat. «Ideja depaniravańnia pracy Šahała, jakaja źjaŭlajecca vielmi simvaličnym elemientam Hrand-opiery, vyklikała b surjoznyja pytańni i nie staić na paradku dnia», — zajaviŭ Marcin Ajdary, namieśnik hienieralnaha dyrektara Paryžskaj opiery.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary