Vyzvaleny palitviazień raspavioŭ pra zmročnuju rolu Čudziancova ŭ kałonii
Były palitviazień Viktar Akcistaŭ raskazaŭ «Novamu času» pra «stukactva» ŭ kałonii, a taksama pra žurnalista Uładzimira Čudziancova, jaki ź listapada 2019 hoda znachodzicca za kratami.
Viktar Akcistaŭ siadzieŭ u mahiloŭskaj kałonii №15.
«Mnie b chaciełasia raskazać pra adnaho ź ich. Čałaviek, pra jakoha ja kažu, — Čudziancoŭ. Jon rehularna dziela zadavalnieńnia, biez asablivaha cisku z boku administracyi supracoŭničaje ź joj. Jon danosić u tym liku na palityčnych. Heta jaho namahańniami apošnija niekalki dzion, jakija ja pavinien byŭ pravieści ŭ atradzie i adśviatkavać z tavaryšami svajo vyzvaleńnie, ja pravioŭ u balnicy. Sa mnoj było ŭsio ŭ paradku, prosta «z apieratyŭnych mierkavańniaŭ». Inšym paščaściła mienš: jany praź jaho siadzieli ŭ ŠIZA, ich pieravodzili ŭ inšyja atrady. Ale jon takim čynam vyrašaje svaje prablemy i «stučyć» na ŭsich, chto jamu nie padabajecca. Praz heta adbyvajucca pastajannyja vobšuki i pošuki parušeńniaŭ u źniavolenych. Ja abiacaŭ ludziam, što raskažu pra toje, što jon robić», — raskazaŭ Viktar Akcistaŭ.
«Novy Čas» padkreślivaje, što nie maje inšych dokazaŭ pavodzinaŭ Uładzimira Čudziancova ŭ kałonii, aproč słoŭ Viktara Akcistava.
U toj ža čas «Našaj Nivie» pra takija padazreńni raskazvali dvoje inšych byłych viaźniaŭ kałonii, jakija vyjšli na svabodu. Jany prasili nie nazyvać ich imion, tamu my tady pakinuli hetuju infarmacyju biez publikacyi.
Uładzimir Čudziancoŭ byŭ zatrymany ŭ listapadzie 2019 hoda ŭ ciahniku padčas pajezdki ŭ Polšču. U jaho nibyta znajšli narkotyki. Kančatkovaje abvinavačańnie było nastupnym:
- č. 2 artykuła 343 (raspaŭsiud porna zaviedama niepaŭnaletniamu) — 2 hady;
- č. 1 artykuła 328 — zachoŭvańnie narkotykaŭ;
- č. 1 artykuła 14, č. 1 artykuła 328 (zamach na niezakonny pieravoz narkotykaŭ praz hranicu) — 4 hady i štraf 27 tysiač rubloŭ.
U 1990-ja Čudziancoŭ (tady pad proźviščam Zujeŭ) byŭ aŭtaram prapahandysckich artykułaŭ pra apazicyjanieraŭ. Paśla Kryma-2014 rezka źmianiŭ pazicyju, zajmieŭ antypucinskija i antyłukašenkaŭskija pohlady. Ličyŭsia adnym z aŭtaraŭ telehram-kanała Niechta.
Žurnalista Uładzimira Čudziancova zatrymali na miažy z narkotykami, doma prajšoŭ pieratrus
Niechta: Čudziancoŭ dapamahaŭ mnie ŭ redaktury tekstaŭ dla kanała
Što viadoma pra žurnalista Uładzimira Čudziancova, zatrymanaha na polskaj miažy nibyta za narkotyki?
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary
Hieta jaho naturalnaja srieda...