Čudziancova zatrymali 21 listapada na punkcie propusku Brest — Ciarespal.
Padrabiaznaści historyi raspavioŭ «Našaj Nivie» žurnalist Raman Pratasievič.
«Čudziancoŭ kazaŭ mnie, što znajšoŭ niejkuju aficyjnuju pracu ŭ Varšavie. Atrymaŭ vizu, i 21 listapada sieŭ na ciahnik da Varšavy, jaki idzie praz Brest. Tam karotkaja pierasadka, padčas jakoj Čudziancoŭ napisaŭ mnie, što vyjdzie na suviaź užo kali pierajedzie miažu z Polščaj. Ale na suviaź jon tak i nie vyjšaŭ. U Varšavie jaho sustrakaŭ znajomy — u ciahniku Čudziancova nie było», — raspavioŭ Pratasievič.
Maci žurnalista Nina Zujeva raskazała karespandentu «Radyjo Svaboda».
«Vałodzia jechaŭ u ciahniku i vyjšaŭ u prybiralniu, u hety čas mytniki znajšli ŭ jaho ŭ sumcy pakiecik z rečyvam, mnie skazali, što tam byli narkotyki. Jaho zatrymali.
Paśla adrazu praviali pieratrusy ŭ nas doma ŭ Minsku. Tut taksama znajšli niekalki pakietaŭ.
Pryčym u takich miescach, što ja nikoli nie mahła b padumać, što tam moža niešta być. Padymali meblu, pierasoŭvali. Ja nie vieru, što Vałodzia maje da hetaha dačynieńnie, što heta byli jahonyja pakiety».
Čudziancoŭ znachodzicca ŭ izalatary časovaha ŭtrymańnia Leninskaha rajona Bresta.
Uładzimir Čudziancoŭ zajmajecca žurnalistykaj z 1990-ch. Tady jon zajmaŭsia prałukašenkaŭskaj prapahandaj. Ź ciaham času, źmianiŭšy proźvišča, uładkavaŭsia na Tut.by. Paśla zvalnieńnia zasnavaŭ klikbejtny sajt by24.org, zaniaŭ radykalnuju antyrasijskuju pazicyju. Apošnim časam chadzili čutki, što mienavita Čudziancoŭ dapamahaŭ vieści telehram-kanał «Niechta» Ściapanu Pucile.
Čytajcie. Błohiery: Sapraŭdnaje proźvišča Čudziancova Zujeŭ, jon pačynaŭ u 1996 z paklopaŭ na Karpienku
Vyniesieny prysud pa zabojstvie žonki błohiera Čudziancova
Ciapier čytajuć
Łukašenka zahadaŭ pryščaplać nieluboŭ da Polščy pačynajučy sa škoły85
Łukašenka zahadaŭ pryščaplać nieluboŭ da Polščy pačynajučy sa škoły
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary