Navuka i technałohii33

Iłan Mask źbiraje kamandu dla zapusku novaha startapa pa stvareńni prasunutych sistem štučnaha intelektu. Pry hetym zusim niadaŭna jon publična vystupaŭ suprać padobnaha

«Mask dla navučańnia svajho ŠI moža vykarystoŭvać danyja ŭsiaho Twitter, a dla vyličalnaj mahutnaści — resursy Tesla».

Fota: csmapnyu.org

Miljarder Iłan Mask, jaki vałodaje Twitter, SpaceX i Tesla, zachacieŭ zavieści jašče adnu kampaniju — na hety raz havorka idzie pra stvareńnie novaha startapa pa raźvićci i kamiercyjalizacyi prasunutaha ŠI (štučnaha intelektu). Pra heta paviedamiła hazieta Financial Times sa spasyłkaj na ludziej, blizka znajomych ź situacyjaj.

Pavodle atrymanych źviestak, Mask źbiraje najlepšych daśledčykaŭ i inžynieraŭ pa stvareńni štučnaha intelektu ź viadučych łabaratoryj śvietu. Biznesmen taksama sprabuje pryciahnuć inviestaraŭ svaich užo isnujučych kampanij, pierakonvajučy ich ukłaści finansy ŭ novy prajekt.

U dadatak da hetaha, jak stała viadoma navinnamu partału Business Insider, Mask dla svaich met užo nabyŭ 10 tysiač mahutnych hrafičnych pracesaraŭ ad kampanii Nvidia.

«Iłan Mask choča kankuravać z takimi kampanijami jak OpenAI, jakaja raspracavała čat-bot ChatGPT i chutka ŭźlacieła na suśvietnym rynku. Heta dazvolić miljarderu ŭvajści ŭ technałahičnuju honku ŭ halinie štučnaha intelektu i stvaryć svaju ŭłasnuju prasunutuju sistemu hienieratyŭnaha ŠI.

Dla navučańnia hetaj sistemy biznesmien moža vykarystoŭvać vielizarny masiŭ infarmacyi z Twitter, jaki jamu naležyć, a dla vyličalnaj mahutnaści — supierkampjutar Tesla Dojo, jaki padtrymlivaje aŭtapiłot u elektramabilaŭ Tesla», — piša hazieta Financial Times sa spasyłkaj na svaje krynicy.

Pry hetym Mask niaredka abvinavačvaŭ kampaniju OpenAI ŭ kamiercyjalizacyi niejrasietak i praźmiernym žadańni stvaryć pieradavy štučny intelekt. Sam jon, darečy, jašče ŭ 2015 hodzie byŭ adnym z zasnavalnikaŭ hetaj kampanii, ale ŭ 2018 hodzie syšoŭ ź jaje, bo chacieŭ skancentravacca na Tesla.

Ale samaj pikantnaj detallu va ŭsioj hetaj historyi źjaŭlajecca toje, što jašče ŭ kancy sakavika Iłan Mask byŭ u liku tych, chto publična zaklikaŭ spynić raźvićcio štučnaha intelektu z-za pahrozy čałaviectvu.

«Treba prypynić navučańnie sistem štučnaha intelektu minimum na šeść miesiacaŭ. Za hety čas łabaratoryi i niezaležnyja śpiecyjalisty pavinny raspracavać i ŭkaranić nabor ahulnych pratakołaŭ biaśpieki, jakija dazvolać paśla praviarać i kantralavać raźvićcio sistem štučnaha intelektu», — pisałasia ŭ ahulnym zvarocie, jaki padpisaŭ Mask i bolš za tysiaču inšych ekśpiertaŭ u halinie ŠI.

Viartajučysia da temy startapa, Iłan Mask na momant publikacyi hetaha artykuła ŭžo paśpieŭ zarehistravać novuju jurydyčnuju asobu — kampaniju X.AI Corp, jakaja i źjaŭlajecca ŭvasableńniem zadumy miljardera pa stvareńni i raźvićci ŭłasnaha štučnaha intelektu. Pra heta stała viadoma vydańniu The Wall Street Journal.

Kamientary3

  • Realnaść
    17.04.2023
    Mask nie hienij. Jon ehaist i machlar, jakoha cikaviać tolki hrošy. Kali jon nia moža kiravać Twitter, jon nia moža kiravać štučnym intelektam.
  • šo za
    17.04.2023
    moža ŭ jaho šyzafrenija?
  • Josik
    17.04.2023
    Jość pravilnyja pčoły, a jość nie pravilnyja. Tak i ŭ Maska - u jaho budzie pravilny i kantralujem im štučny intelekt, a ŭ astatnich nie, tamu ŭsim patrebna zabaranić pracavać nad ŠI.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy23

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy

Usie naviny →
Usie naviny

Cichanoŭski: Pryjechaŭ by i pacisnuŭ Trampu ruku34

«Heta hulnia ŭ dva baki». «Kibierpartyzany» raskazali, što ich ździviła ŭ sistemach «Aerafłota» i što budzie z danymi pasažyraŭ5

«U nas u Litvie prosta tak nie bjuć». Źbity žurnalist «Małanki» raskazaŭ, jak idzie rasśledavańnie incydentu13

«Dezaryjentavany SPA Ukrainy». U Litvie nazvali najbolš vierahodnuju viersiju, čamu na jaje terytoryju znoŭ zalacieŭ čužy dron3

Tramp: Kali Iran znoŭ pačnie jadziernuju prahramu, my jaho chutka źniščym1

Śledam za servisami «Aerafłotu» ŭ Rasii lahli i «Dziaržpasłuhi»3

Śvietłahorskaha aktyvista Anatola Źmitroviča asudzili za paklop na Łukašenku

Łukašenka znoŭ sustreniecca z Pucinym1

Što stała pryčynaj śmierci troch rabotnikaŭ «Biełarusnafty» padčas ramontu na trasie1

bolš čytanych navin
bolš łajkanych navin

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy23

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy

Hałoŭnaje
Usie naviny →

Zaŭvaha:

 

 

 

 

Zakryć Paviedamić