Biełaruś dała zbroju PVK «Vahnier», a Kitaj admoviŭ — Financial Times
Na pačatku hoda Kitaj admoviŭ PVK «Vahnier» u pastaŭkach zbroi dla vajny va Ukrainie, piša Financial Times sa spasyłkaj na źlityja ŭ internet dakumienty Pientahona. A voś zvaroty ŭ Biełaruś i Siryju byli nibyta bolš paśpiachovyja.
Vydańnie miarkuje, što niepasredny zapyt PVK «Vahnier» da Kitaja śviedčyć pra toje, što ŭ kiraŭnika hrupoŭki Jaŭhiena Pryhožyna była ŭpeŭnienaść u hatoŭnaści Piekina dapamahać Rasii zbrojaj. Adnak, pavodle spravazdačy, pa stanie na pačatak studzienia Kitaj nie pieradavaŭ vahnieraŭcam nijakaj zbroi i ŭ cełym nie abmiarkoŭvaŭ z hetaj vajskovaj hrupoŭkaj takija pytańni.
U toj ža spravazdačy, na jakuju spasyłajecca Financial Times, havorycca pra bolš paśpiachovyja zapyty zbroi ŭ Siryi i Biełarusi.
U pryvatnaści, śćviardžajecca, što da pačatku studzienia Biełaruś užo pastaviła pałovu ad raniej abiacanych abjomaŭ niepaznačanych vidaŭ zbroi i navat prapanavała «vahnieraŭcam» pastaŭku jašče 300 tysiač strełaŭ dla hranatamiota VOH-17.
Pa Siryi ž viadomyja maštaby pastavak zusim nieistotnyja — šeść hranatamiotaŭ SPH— 9 i 180 hranat, jakija byli adpraŭlenyja ŭ niavyznačany čas.
Akramia taho, dakumient śćviardžaje, što struktury Pryhožyna sprabavali zakupić zbroju ŭ Turcyi. U pryvatnaści, ich cikavili bieśpiłotniki, sistemy radyjoelektronnaj baraćby, kontrbatarejnyja sistemy i haŭbičnaja artyleryja. Viadoma, što jak minimum pa haŭbicach, kontrbatarejnych sistemach i srodkach baraćby z dronami «vahnieraŭcy» atrymali admovu.
U inšaj spravazdačy havorycca, što prezident afrykanskaj krainy Mali nibyta paćvierdziŭ, što jaho kraina moža kuplać u Turcyi zbroju dla padraździaleńniaŭ «Vahniera», jakija tam dziejničajuć.
U lutym Jaŭhien Pryhožyn vynies na publiku prablemu vostraha niedachopu snaradaŭ u rasijskim vojsku. Jon skardziŭsia na toje, što Minabarony RF vydaje «vahnieraŭcam» zanadta mała bojeprypasaŭ, adnak tam adkazali, što najmitam dajuć stolki, kolki i ŭsim astatnim.
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary