Finy kančatkova admovilisia ad prodažu «Lidskaha piva» i zapłaciać vielizarny štraf
Finski vytvorca piva i napojaŭ Olvi kančatkova admoviŭsia ad prodažu «Lidskaha piva» i zapłacić štraf dziaržkantrolu. Pra heta kampanija paviedamiła ŭ svajoj pramiežkavaj spravazdačy za pieršy kvartał hetaha hoda. U pryvatnaści, u joj paćvierdžana, što finy «spynili praces prodažu» zavoda z-za ŭviedzienaj letam 2022-ha zabarony na adčužeńnie akcyj, paviedamlaje Office Life.
Štraf u €12,2 młn, jaki vypisaŭ u lutym «Lidskamu pivu» Kamitet dziaržkantrolu, budzie vypłačany ŭ druhim kvartale 2023 hoda.
Pry hetym u spravazdačy paviedamlajecca, što «śpiecyjalnaja pravierka» praciahvajecca. Zhadana, što 29 sakavika 2023 hoda Leninski sud Minska adchiliŭ apielacyju finaŭ na rašeńnie dziaržkantrolu, i, choć sudovy praces praciahvajecca, suma štrafu ŭžo ŭklučana ŭ pramiežkavuju spravazdačnaść za pieršy kvartał.
«Štraf akazaŭ značny ŭpłyŭ na hrašovy patok i «abciažaryŭ apieracyjnyja vyniki» chołdynhu jak u Biełarusi, tak i ŭ cełym. U abodvuch vypadkach zafiksavanyja minusy — €6,1 młn i €2,2 młn adpaviedna.
U spravazdačy ŭdakładniajecca, što biełaruskaja «dačka» pracuje «niezaležna ad finansavaj padtrymki maciarynskaj kampanii» i «štraf, nakładzieny na «Lidskaje piva», budzie apłačany ź miascovych aktyvaŭ». Jon «značna skarocić hrašovyja aktyvy», ale «dziejnaść praciahniecca».
U cełym za košt rostu prodažaŭ u pieršuju čarhu piva (u fizičnych vieličyniach — na 21,6% da pieršaha kvartała 2022 hoda) i rostu cen vyručka «Lidskaha piva» pavialičyłasia na 49,6% — da €28,8 młn. Dla paraŭnańnia: pa ŭsim chołdynhu, jaki pradaŭ pradukcyi na €129,5 młn, pryrost skłaŭ 24,6%.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu34
Kamientary