Baraćba z pjanstvam u pavietry pa‑rasiejsku

Ministerstva ŭnutranych spraŭ Rasijskaj Fiederacyi prapanoŭvaje stvarać bazy dadzienych, dzie b utrymlivalisia asabistyja źviestki zaŭvažanych ŭ pjanstvie avijapasažyraŭ, kab potym im nie pradavać avijabilety.

Na dumku avijakampanij, jakija daŭno majuć ułasnyja «čornyja śpisy» debašyraŭ, prablemy harantavańnia biaśpieki ŭ palocie treba vyrašać kompleksna. Pjanyja debošy ŭ pavietry abychodziacca zanadta doraha. Pavodle aficyjnych źviestak, za dzieviać miesiacaŭ hetaha hoda za pjanstva na pavietranym transparcie milicyja zatrymała

tolki ŭ maskoŭskim rehijonie kala 400 čałaviek.

80% ź ich — hramadzianie Rasii, astatnija — hramadzianie krain SND. «My prapanujem pryznačać parušalnikam hramadskaha paradku štraf ad 3 da 10 tys. rubloŭ (283 000 - 943 000 biełaruskich rubloŭ), zatrymlivać na 15 sutak, a taksama zanosić u śpiecyjalnyja bazy źviestak, kab avijakampanii nie pradavali im kvitki», — raspavioŭ pradstaŭnik avijacyjnych uładaŭ Rasii. «Našaja inicyjatyva razhladajecca Mintransam i, ja dumaju, što chutka budzie pryniaty adpaviedny zakon». Pry hetym padkreślivajecca, što kali čałaviek nie złoŭžyvaje ałkaholem,

a prosta «vypiŭ čarku kańjaku i narmalna siabie pavodzić», jamu niama čaho bajacca.

Heta ŭžo nie pieršaja prapanova MUS Rasii pa baraćbie z pjanstvam ŭ aeraportach i ŭ samalotach. U studzieni 2009 hoda viedamstva zajaviła ab padrychtavanym zakonaprajekcie, jaki zabaraniaje ŭžyvać śpirtnyja napoi jak pierad palotam, tak i padčas jaho. Adnak inicyjatyva nie prajšła —

prodaž śpirtnych napojaŭ u samalotach prynosiać niadrenny prybytak avijakampanijam.

Adnak zaraz iznoŭ płanujecca ŭvieści zabaronu na prodaž ałkaholu na terytoryi aeraportaŭ. Chacia hetyja abmiežavańni nie buduć raspaŭsiudžvacca na «śviatarnuju karovu» ‑‑ kramy biaspošlinnaha handlu duty free. Što da astatnich handlovych kropak ŭ aeraportach, to dla ich užo niekalki hadoŭ dziejničaje zakon ab abarocie śpirtaŭtrymalnaj pradukcyi, jaki zabaraniaje ŭ miescach masavaha zboru ludziej prodaž napojaŭ macniej za 15 hradusaŭ.

Što da «čornych śpisaŭ» niepažadanych pasažyraŭ, to, pa źviestkach pres‑słužbaŭ aeraportaŭ, jany ŭžo daŭno jość u kožnaj avijakampanii. Kolki ludziej ličycca ŭ hetych śpisach, dakładna nieviadoma. Jak nieviadomymi zastajucca miery ŭździejańnia, što da ich prymianiajucca. Aficyjna avijapieravozčyk siońnia nie maje prava admović pasažyru ŭ prodažy bileta z‑za dapuščanych im raniej parušeńniaŭ. Nielha budzie hetaha zrabić i paśla ŭzakońvańnia «čornych śpisaŭ». Jak patłumačyŭ juryst Maskoŭskaj kalehii advakataŭ Ihar Simanaŭ, samu pa sabie bazu źviestak, kali jana nie ŭtrymlivaje asabistaj infarmacyi, nie varta razhladać, jak parušeńnie čyich‑niebudź pravoŭ. Ale vykarystać jaje možna budzie tolki ŭ słužbovych metach. Naprykład, dla infarmavańnia kamandzira karabla ab tym, chto znachodzicca ŭ jaho na borcie. «Inicyjatyva MUS zrazumiełaja, ale kali čałaviek u dadzieny momant adpaviadaje ŭstanoŭlenym patrabavańniam ‑‑ adekvatna siabie pavodzić, apłačvaje bilet, u dalejšym prachodzić rehistracyju na rejs i nie prynosić z saboj vybuchovyja rečyvy ‑‑ nichto nie maje prava admović jamu ŭ pravie ździejśnić palot. Umovy zaklučeńnia i skasavańnia hetaha dahavora rehłamientujucca pavietranym kodeksam» — patłumačyŭ juryst.

Adnak, pakul u krainie nie vyrašanyja prablemy aviabiaśpieki, pieravozčykam prychodzicca šukać svaje mietady baraćby z pjanymi pasažyrami.

AP, pavodle gazeta.ru

• 0
• 0
• 0
• 0
• 0
• 0
• 0
• 0