Staršynia KNR Si Czińpin pravioŭ telefonnuju razmovu z prezidentam Ukrainy Uładzimiram Zialenskim, paviedamili kitajskija ŚMI.
Fakt razmovy paćvierdziŭ u tvitary i sam Zialenski.
«Pravioŭ praciahłuju źmiastoŭnuju telefonnuju razmovu sa staršynioj Kitaja Si Czińpinam. Vieru, što jana, a taksama pryznačeńnie ambasadara Ukrainy ŭ Kitai daduć mahutny šturšok raźvićciu našych dvuchbakovych stasunkaŭ», — napisaŭ prezident Ukrainy Uładzimir Zialenski.
Proviv trivału źmistovnu tielefonnu rozmovu z Hołovoju Si Czińpinom. Viriu, ŝo vona, a takož priznačieńnia Posła Ukrajini v Kitaji dasť potužnij poštovch roźvitku našich dvostorońnich vidnosin.
— Vołodimir Zielenśkij (@ZelenskyyUa) April 26, 2023
U MZS Kitaja zajavili, što inicyjataram razmovy byŭ ukrainski bok. Pa słovach Siarhieja Nikifarava, pradstaŭnika prezidenta Ukrainy, razmova doŭžyłasia amal hadzinu.
Hałoŭnyja zajavy Si Czińpina pa vynikach razmovy ź Zialenskim pryvodzić Centralnaje telebačańnie Kitaja. Pavodle jaho, Kitaj nakiruje svajho pradstaŭnika ź vizitam va Ukrainu i ŭ inšyja krainy dla kansultacyj pa mirnym urehulavańni. Taksama było zajaŭlena, što Kitaj budzie damahacca chutčejšaha spynieńnia ahniu va Ukrainie, a dyjałoh i pieramovy — adziny mahčymy vychad z kanfliktu.
Kiraŭnik Lidy zaklikaŭ siłavikoŭ nie spyniać palityčnych represij26
Kamientary