Rakietny ŭdar pa Mikałajevie byŭ naniesieny «Kalibrami».
Pres-ataše apieratyŭnaha kamandavańnia «Poŭdzień» ukrainskaj armii Natalla Humianiuk skazała ranicaj u teleefiry, što načny ŭdar pa Mikałajevie rasijanie nanieśli z akvatoryi Čornaha mora rakietami «Kalibr».
Pa słovach Humianiuk, kolkaść vyjaŭlenych paranienych vyrasła da 23. Adzin čałaviek zahinuŭ.
Udar čatyrma rakietami byŭ naniesieny pa horadzie Mikałajeŭ kala hadziny nočy pa miascovym časie. Spačatku ŭkrainskija krynicy mierkavali, što heta byli rakiety ź zienitnaha kompleksu S-300, jakimi rasijanie stralajuć pa naziemnych celach.
Ułady Mikałajeva i vobłaści abviaścili, što adna rakieta trapiła ŭ šmatpaviarchovik, inšaja razburyła pryvatny dom. Kudy trapili astatnija dźvie rakiety, nie paviedamlajecca.
Kamientary