Kontrnastupleńnie Kijeva moža adkryć šlach da pieramoŭ z Rasijaj pry ŭdziele Kitaja — WSJ
Za pieramovy Maskvy i Kijeva vystupajuć klučavyja pradstaŭniki Rady nacyjanalnaj biaśpieki Biełaha doma, u toj ža čas u Dziarždepie i CRU nastrojenyja bolš skieptyčna i čakajuć ukrainskaha nastupu, kažuć krynicy Wall Street Journal.
Vytrymki z artykuła pierakazvaje RBK.
Zapłanavany Ukrainaj nastup moža adkryć darohu da pieramoŭ Kijeva z Maskvoj da kanca hoda, pasadzić Rasiju za stoł pieramoŭ moža Kitaj, raspaviali Wall Street Journal čynoŭniki ŭ ZŠA i ES na ŭmovach ananimnaści.
«Hatoŭnaść spryjać pieramovam i znajści Kitaju rolu ŭ ich pakazvaje zruch u myśleńni Zachadu, asabliva ŭ ZŠA, jakija skieptyčna stavilisia da ŭklučeńnia Piekina, uličvajučy padtrymku Maskvy Kitajem. <…> Hety padychod zasnavany na ŭjaŭleńni, što ni adzin z bakoŭ [kanfliktu] nie zdolny praciahvać zmahacca biaskonca i što nieabchodna vyprabavać, nakolki Piekin hatovy adyhrać rolu ŭ mirnych pieramovach», — havorycca ŭ artykule.
Zacikaŭlenaść ZŠA ŭ pieramovach zbližaje krainu ź niekatorymi krainami Jeŭropy, jakija chočuć zaviaršyć kanflikt abo źnizić jaho intensiŭnaść.
Sa słoŭ nienazvanych jeŭrapiejskich čynoŭnikaŭ, klučavyja pradstaŭniki ŭ Radzie nacbiaśpieki ZŠA vystupajuć za pieramovy, u toj čas jak Dziarždep i CRU nastrojenyja bolš skieptyčna i chočuć ubačyć, jak budzie prachodzić ukrainski nastup.
ZŠA vyrazna zajavili, što buduć praciahvać padtrymlivać Ukrainu, paviedamiŭ vydańniu pradstaŭnik Rady nacbiaśpieki Biełaha doma Adam Chodž. Dziarždep i CRU nie adkazali na zapyt haziety.
Kamientary