«Apieracyja «Bachmuckaja miasarubka» skončana». Pryhožyn abvinavaciŭ rasijskaje kiraŭnictva ŭ biessensoŭnaści apieracyi pad Bachmutam
Zasnavalnik PVK «Vahnier» Jaŭhien Pryhožyn adkazaŭ krytykam, jakija ličać, što vahnieraŭcy pavinny zastacca ŭ Bachmucie, brać jaho da kanca i zahinuć tam. Jon paćvierdziŭ, što vyviedzie vojski 10 maja.
«Lepš zachavać vojska, čym vyjhrać bitvu», — kaža jon.
Pavodle Pryhožyna, u Bachmucie rasijanami zachoplena kala 95 adsotkaŭ terytoryi horada. Tyja piać pracentaŭ, što zastalisia, dla tak zvanaha raźvićcia pośpiechu i pachodu armii dalej na zachad nijakaj roli nie majuć.
Pryhožyn kaža, što ŭ PVK «Vahnier» niama bojeprypasaŭ, i nichto na jaho tak i nie vyjšaŭ, kab bojeprypasy dać u nieabchodnym abjomie.
Pryhožyn skazaŭ, što ŭ vajnie z Ukrainaj zahinuli abo byli ciažka paranienyja dziasiatki tysiač vahnieraŭcaŭ.
Tamu jon choča zachavać PVK u tym vyhladzie, u jakim jana ciapier jość.
Krytykam, jakija kažuć, što treba zastacca ŭ Bachmucie i zahinuć, Pryhožyn prapanuje ŭziać aŭtamat u ruki — i napierad: «Idzicie, čas jašče jość. Kali pražyviacie dva dni pad arciomaŭskim ahniom, daj boh vam zdaroŭja, zyču ŭdačy».
«Asabovy skład PVK «Vahnier» budzie zachavany dla nastupnych apieracyj u intaresach Rasii, a nie na paciechu».
Pryhožyn padkreślivaje biessensoŭnaść apieracyi pa ŭziaćci Bachmuta.
«Dva kvadratnyja kiłamietry Arciomaŭska na chod vajennaj apieracyi nijakim čynam nie ŭpłyvajuć.
Samaje hałoŭnaje, kab tyja, chto jaje ŭznačalvaje, viedali, kudy jany iduć, da jakich miež i ź jakoj metaj».
Jon kaža, što hałoŭnaje pytańnie, kamu patrebny byŭ hety «apieratyŭny prastor», jaki stvaryła ŭ Bachmucie PVK.
«Hałoŭnaje pytańnie: pakul my hinuli pad Bachmutam, čamu hetym nichto nie karystajecca, i jakaja meta našaj vajennaj apieracyi? Adkažycie tyja, chto viedaje i krytykuje».
Tamu apieracyja «Bachmuckaja miasarubka» skončanaja, abviaściŭ Pryhožyn.
Čytajcie taksama:
Isteryki Pryhožyna pakazvajuć, što Rasija moža być bližejšaj da 1917 hoda, čym my dumajem
Artyleryja USU źniščyła miescy zachoŭvańnia bojeprypasaŭ «vahnieraŭcaŭ» — Minabarony Ukrainy
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk2
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1919
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu19
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary