Mienš čym za 6 hadzin biełarusy sabrali hrošy, nieabchodnyja dla pachavańnia palitviaźnia Mikałaja Klimoviča, jaki pamior u viciebskaj kałonii
Učora ŭviečary «Bajsoł» abviaściŭ zbor na pachavańnie palitviaźnia. Patrebnaja suma — 4000 jeŭra — na ŭšanavańnie pamiaci Mikałaja była sabranaja litaralna za 6 hadzin.
7 maja stała viadoma, što ŭ viciebskaj kałonii №3 pamior błohier Mikałaj Klimovič ź Pinska, viadomy jak Mikałaj Vierasień. U hetuju kałoniju jaho pieraviali dva tydni tamu. Palitźniavolenamu byŭ 61 hod.
Mikałaja Klimoviča asudzili da hoda kałonii za karykaturu na Łukašenku. Taki prysud vynieśli, niahledziačy na toje, što jon mieŭ invalidnaść II hrupy pa sercy, pieraniesienyja ciažkuju apieracyju na sercy i insult.
U apošnim słovie palitviazień skazaŭ:
«Luby turemny termin dla mianie — śmierć, tamu što ja pavinien znachodzicca pad stałym nazirańniem lekara, prymać šmat mocnych preparataŭ. Ja mahu nie pratrymacca i miesiac».
Mužčynu aryštavali ŭ zale suda, bo da prysudu jon byŭ na voli.
Sudździoj pa spravie byŭ Andrej Byčyła, prakuroram — Ilja Huzarevič.
«Cichi čałaviek ź miakkim hołasam». Chto tyja sudździa i prakuror, jakija adpravili ŭ kałoniju błohiera Klimoviča — palitviaźnia, jaki pamior za kratami
Pakarali za łajk pad karykaturaj Łukašenki. Što viadoma pra palitviaźnia Mikałaja Klimoviča, jaki pamior u kałonii
Invalida ź Pinska asudzili da kałonii za karykaturu na Łukašenku
Kamientary