Invalida ź Pinska asudzili da kałonii za karykaturu na Łukašenku
U sudzie Pinskaha rajona i h. Pinska 28 lutaha abviaścili prysud pa kryminalnaj spravie ŭ dačynieńni da miascovaha błohiera Mikałaja Klimoviča — adzin hod kałonii. Jaho abvinavacili ŭ abrazie Alaksandra Łukašenki ŭ satyryčnym malunku, jaki jon raźmiaściŭ u sacyjalnaj sietcy, pavodle art. 368 Kryminalnaha kodeksa, piša «Viasna».
Taki prysud vynies sudździa Andrej Bačyła pa prapanovie prakurora Illi Huzareviča, niahledziačy na toje, što Mikałaj Klimovič maje invalidnaść II hrupy pa sercy. Mužčynu aryštavali ŭ zale suda, bo da prysudu jon byŭ na voli.
Niadaŭna Mikałaja Klimoviča ŭžo sudzili za padobnyja dziejańni, ale pa administracyjnaj spravie pavodle art. 19.10 KaAP. Za toje, što ŭ sacyjalnaj sietcy adnakłaśniki jon pastaviŭ rekcyju «śmiešna» pad karykaturaj na Uładzimira Pucina, namalavanaha ŭ nacysckaj formie. Sudździa Andrej Bačyła pryznaŭ błohiera vinavatym u raspaŭsiudžvańni nacysckaj simvoliki i pryznačyŭ jamu štraf u pamiery 111 rubloŭ.
Uvahu siłavikoŭ Mikałaj Klimovič pryciahnuŭ u śniežni minułaha hoda. Tady jaho zatrymali i źmiaścili ŭ izalatar časovaha ŭtrymańnia. Za kratami błohier adsiadzieŭ troje sutak, paśla jamu stała drenna z sercam, bo jon maje invalidnaść. Milicyjanty pieradali jaho lekaram na lačeńnie i vyzvalili da suda.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary