Ukrainskim vojskam udałosia prarvać pazicyi rasijskaj armii pad Bachmutam — rasijskija vajenkary
Z paviedamleńniaŭ rasijskich vajenkaraŭ vynikaje, što ŭkrainskija vojski siońnia nanieśli paśpiachovyja ŭdary na poŭnač i paŭdniovy zachad ad Bachmuta, a taksama ŭ kirunku Saladara.
Na troch kirunkach pad Bachmutam USU zaniali rasijskija pazicyi, rasijanie adstupili, što stvaraje pahrozu atačeńnia hałoŭnych siłaŭ vahnieraŭcaŭ u Bachmucie.
Drabniejšy ŭdar byŭ naniesieny taksama ŭ rajonie Majorska pad Horłaŭkaj, boj išoŭ i kala Vuhladara.
USU pačali taksama aktyŭna manieŭravać technikaj, u tym liku ŭ rajonie Charkava, što moža mieć na mecie ŭ tym liku dezaryjentavać rasijan adnosna kirunkaŭ hałoŭnych udaraŭ.
U pryvatnaści, vajenny karespandent VHTRK Jaŭhien Paddubny paviedamiŭ, što ŭkrainskaja armija pačała realizacyju apieracyi pa atačeńni rasijskich siłaŭ pad Bachmutam. Pavodle jaho, USU prarvalisia ŭ bok pasieliščaŭ Biarozaŭka i Jahadnaje, tam rasijanie musili adstupić z pazicyj.
Akramia taho, u rajonie Saladara USU niekalkimi padraździaleńniami pry padtrymcy braniahrupaŭ, u kožnaj ź jakich było pa 2-3 tanki, zmahli arhanizavać praryŭ.
Taksama i Paddubny, i karespandent «Kamsamolskaj praŭdy» Alaksandr Koc paviedamlajuć, što kałony vajskovaj techniki USU ruchajucca ŭ bok miažy z rasijskaj Biełharadskaj vobłaściu i na Kupianskim napramku.
Padobnyja paviedamleńni pastupajuć i ad inšych vajenkaraŭ. Siarod inšaha paviedamlajecca pra toje, što ŭkraincy pajšli ŭ ataku i pad zachoplenym raniej rasijanami pasiołkam Majorsk kala Horłaŭki i dabilisia tam peŭnych pośpiechaŭ.
Adnosna Chiersonskaj vobłaści vajenkary paviedamlajuć pra nibyta kancentracyju ŭkrainskich małych kataraŭ na pravym bierazie Dniapra, nie vyklučajučy, što tam rychtujecca desantnaja apieracyja.
Aficyjnaj infarmacyi ad ukrainskaha boku pakul što niama.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki37
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary