Piaskova spytali pra niezdaroŭje Łukašenki. Voś što jon adkazaŭ
Pres-sakrataru Kramla Dźmitryju Piaskovu zadali pytańnie pra stan zdaroŭja Alaksandra Łukašenki, jaki nie pakazvajecca na publicy ŭžo šosty dzień — z 9 maja.
Piaskoŭ adkazaŭ, što «nijakich aficyjnych źviestak ź Minska nie było, a aryjentavacca treba na ich».
Pra stan zdaroŭja Łukašenki jaho pres-słužba nie havoryć ni słova.
Źjaŭleńni Alaksandra Łukašenki na publicy ad pačatku maja byli redkimi, a na paradzie ŭ Maskvie 9 maja jon nie zmoh prajści ź inšymi kiraŭnikami dziaržaŭ niekalki socień mietraŭ ad trybuny da Alaksandraŭskaha sada, jaho vieźli elektramabilem.
Paśla hetaha ŭviečary jon pieršy raz za čas svajho kiravańnia nie zmoh pračytać pramovu na ŭskładańni kvietak na płoščy Pieramohi, za jaho heta zrabiŭ ministr abarony Viktar Chrenin.
A ŭčora nie źjaviŭsia na ŭračystaściach Dnia ściaha, hierba i himna. Zvarot Alaksandra Łukašenki «z nahody śviatkavańnia Dnia Dziaržaŭnaha ściaha, Dziaržaŭnaha hierba i Dziaržaŭnaha himna Respubliki Biełaruś» začytaŭ Raman Hałoŭčanka.
Pieršy namieśnik kiraŭnika Kamiteta rasijskaj Dziarždumy pa spravach SND Kanstancin Zatulin skazaŭ, što ŭ Łukašenki ničoha takoha zvyšnaturalnaha niama, heta nie kavid. Prosta čałaviek zachvareŭ».
Kiraŭnik NAU i pradstaŭnik Abjadnanaha pierachodnaha kabinieta Pavieł Łatuška zajaviŭ, što, pa źviestkach Narodnaha antykryzisnaha ŭpraŭleńnia, u Łukašenki moža być infiekcyjna-alerhičny mijakardyt. Infiekcyjna-alerhičny mijakardyt — heta zapaleńnie sardečnaj myšcy, jakoje vyklikajecca roznymi infiekcyjami (naprykład, hrypam).
-
Što Polšča i Biełaruś chočuć adzin ad adnaho pry vyzvaleńni Pačobuta? A Kanapackaja vyzvałasia stać paručycielem
-
Žurnalist Pavieł Padabied: Mianie zatrymali za dva dni da adjezdu ŭ Polšču
-
Dziaŭčynu-psichołaha z łahapiedyčnaha centra kinuli za kraty za ŭvachodžańnie ŭ skład niejkaha «ekstremisckaha farmiravańnia»
Ciapier čytajuć
Što Polšča i Biełaruś chočuć adzin ad adnaho pry vyzvaleńni Pačobuta? A Kanapackaja vyzvałasia stać paručycielem2
Kamientary