Mižnarodnaja rada pa zbožžy prahnazuje rost vytvorčaści zbožžavych u śviecie sioleta, a ŭ nastupnym hodzie — samuju vysokuju vytvorčaść zbožža ŭ historyi. Ale pry hetym čakajecca, što spažyvańnie pieravysić vytvorčaść, što moža pryvieści da rostu cen — asabliva na pšanicu.
Bolšaja, čym raniej, kolkaść brazilskaj kukuruzy paŭpłyvała na prahnozy ahulnaj vytvorčaści zbožža jak u hetym (2022/23), tak i ŭ nastupnym (2023/24) siezonie.
Tak, prahnoz ahulnaj vytvorčaści zbožža ŭ siezonie 2022/23 vyras (u paraŭnańni z krasavickim) na 2 młn ton pry padliku za miesiac — da 2 młrd 254 młn ton.
Što datyčyć nastupnaha siezona 2023/24, to prahnoz vyras na 3 młn — da 2 młrd 294 młn ton — heta pavinna stać histaryčnym rekordam.
«U vyniku źmieny tendencyj papiaredniaha siezona čakajecca, što ŭradžaj kukuruzy i sorha budzie bolšy, a ŭradžaj pšanicy i jačmieniu moža źnizicca», — havorycca ŭ spravazdačy.
Hety prahnoz datyčyć takich krain, jak ZŠA, Ukraina, Rasija, Kazachstan, Kanada, Brazilija, Aŭstralija, Arhiencina, a taksama krain Jeŭrasajuza.
Niahledziačy na zapłanavany rekordny ŭradžaj, rostu zapasaŭ nie čakajecca, i heta źviazana z bolš vysokim spažyvańniem. Pavodle acenak ekśpiertaŭ, u siezonie 2022/2023 spažyvać buduć na 10 młn ton bolš, čym vyrablać. Moža ŭźniknuć deficyt.
Taksama čakajecca, što ŭ hetym siezonie mižnarodny handal zbožžavymi skarocicca na 3,1% da 411 młn ton, a ŭ nastupnym — jašče na 0,7 pracenta da 408 młn ton. Heta nastupstvy vajny va Ukrainie.
Na padstavie danych IGC možna mierkavać, što ceny na zbožža mohuć vyraści. Asabliva na toje, jakoha samy vialiki deficyt, — na pšanicu. Čakajecca, što jaje na rynku budzie na 12 młn ton mienš.
Kukuruzy ž, naadvarot, pavinna być zašmat. Na cełych 6 młn ton u paraŭnańni sa spažyvańniem.
Soi na rynku taksama budzie zašmat z-za rekordnaha ŭradžaju ŭ Brazilii — ažno na 14 młn ton bolš, čym treba. Karmy dla žyvioł mohuć patańnieć.
Što datyčyć biahučaj situacyi, IGC paviedamlaje, što ceny na zbožža ŭpali za apošni hod bolš za ŭsio na jačmień (minus 43,7%) i pšanicu (minus 37,5%). Vyraśli tolki ceny na rys.
Ceny na pšanicu ciapier na ŭzroŭni dvuchhadovaj daŭnaści, ceny na kukuruzu i soju — našmat nižejšyja, a ceny na rys — našmat vyšejšyja.
Čytajcie jašče:
U haspadarkach Biełarusi pačali ŭborku kukuruzy. Letašniaj kukuruzy
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj8
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary