U pres-słužbie Pryhožyna zajavili, što PVK «Vahnier» pačała vyvad padraździaleńniaŭ z Bachmuta.
Raniej kiraŭnik pryvatnaj vajennaj kampanii zajaŭlaŭ, što 25 maja najmity PVK «Vahnier» pakinuć terytoryju horada i adpraviacca na adpačynak i pierapadrychtoŭku, nahadvaje moscowtimes.
Pryhožyn taksama zajaŭlaŭ ab advodzie vojskaŭ PVK «Vahnier» u tył dla adpačynku i pierapadrychtoŭki. Pazicyi ŭ Bachmucie, pa jaho słovach, buduć pieradadzienyja rehularnaj armii.
«Na Chromava my nie idziom, na Ivanaŭskaje nie idziom, my pieradajom svaje pazicyi i z 25-ha pakidajem zonu bajavych dziejańniaŭ. Z 1 červienia nivodnaha bajca PVK «Vahnier» na piarednim krai nie budzie. Da taho času, pakul my nie projdziem pierafarmavańnie, daasnaščeńnie i daabučeńnie», — kazaŭ raniej Pryhožyn, adznačajučy, što Chromava i Ivanaŭskaje (pasiołak i siało ŭ Bachmuckim rajonie) buduć šturmavać padraździaleńni Minabarony.
Na minułych vychodnych kiraŭnik PVK «Vahnier» abviaściŭ pra ŭziaćcie Bachmuta. Pavodle jaho słoŭ, najmity vyjšli na zachodniuju ŭskrainu horada.
Uzbrojenyja siły Ukrainy admaŭlali zajavy ab zachopie horadu. «Heta niapraŭda. Našy padraździaleńni praciahvajuć bai», — skazaŭ śpikier Uschodniaj hrupoŭki USU Siarhiej Čaravaty.
Prezident Ukrainy Uładzimir Zialenski taksama źniapraŭdziŭ kantrol Rasii nad Bachmutam. Adnak jon zajaviŭ, što horad byŭ całkam razburany rasiejskimi vojskami ŭ sprobach jaho zachapić.
«Vy pavinny zrazumieć: tam ničoha nie zastałosia. Jany źniščyli ŭsio. Tam nivodnaha cełaha budynka. Heta vielizarnaja trahiedyja, ale siońnia Bachmut isnuje tolki ŭ našych sercach», — skazaŭ Zialenski, vystupajučy na samicie «Vialikaj siamiorki» ŭ Chirasimie.
Bachmut raźmieščany ŭ Danieckaj vobłaści Ukrainy. Ź minułaha hoda jon staŭ miescam bajoŭ pamiž ukrainskimi i rasiejskimi vojskami. Tolki sa śniežnia da krasavika Rasija straciła ŭ bachmuckaj apieracyi bolš za 100 000 čałaviek, uklučajučy bolš za 20 000 zahinułych padčas bajavych dziejańniaŭ, jak kazaŭ u pačatku maja kaardynatar stratehičnych kamunikacyj u Radzie nacyjanalnaj biaśpieki Biełaha doma Džon Kirbi.
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna42
Kamientary