Reštki pavietranaha šara byli znojdzienyja na paŭnočnym uschodzie Polščy
U horadzie Kališki (Varmińska-Mazurskaje vajavodstva) vyjaŭleny reštki pavietranaha šara. Znojdzienyja frahmienty byli kanfiskavanyja palicyjaj, a zatym pieradadzienyja vajskoŭcam dla dalejšaha vyvučeńnia.
Nie vyklučana, što heta špijonski šar z uschodu, paviedamlaje Reform.by sa spasyłkaj na RMF FM, jakaja pieršaj atrymała paviedamleńnie ad słuchačoŭ na haračuju liniju.
Abjekt byŭ znojdzieny ŭ subotu ranicaj, 3 červienia, na kukuruznym poli. Za niekalki kiłamietraŭ znachodzicca palihon i vialikaja vajskovaja čaść, adznačaje radyjostancyja.
Haspadar pola nieadkładna paviedamiŭ pra heta ŭ palicyju, jakaja apaviaściła vajskoŭcaŭ. Paviedamleńnie ab vyjaŭleńni aerastata paćvierdzili ŭ palicyi i apieratyŭnym kamandavańni Uzbrojenych sił Polščy.
Nieviadoma, mieteazond heta ci vajskovy abjekt, choć papiarednija daśledavańni ŭkazvajuć na pieršy varyjant. Adnak ničoha nielha vyklučać, robiać vysnovu žurnalisty RMF FM.
Fiermier, jaki znajšoŭ abjekt, raskazaŭ, što pad falhiravanym kupałam aerastata znachodziłasia pienapłastavaja skrynia, antena, a na aerastacie možna było pračytać nadpisy na kirylicy.
Pra toje, što heta moža być meteazond, śviedčyć toj fakt, što, jak paviedamili žurnalistu RMF FM u apieratyŭnym kamandavańni, radyjołakacyjnyja sistemy nie zafiksavali parušeńnia pavietranaj prastory Polščy.
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ18
Kamientary