Hramadstva11

Try hady tamu aryštavali Paŭła Sieviarynca

Praz hod paśla zatrymańnia jamu dali siem hadoŭ kałonii ŭzmocnienaha režymu.

Pavieł Sieviaryniec. Fota: «Naša Niva»

Sieviarynca zatrymali 7 červienia 2020 hoda, za dva miesiacy da pačatku pratestaŭ, kala doma, kali toj viartaŭsia z Kamaroŭki ź pieradvybarčaha pikieta Śviatłany Cichanoŭskaj.

Spačatku jamu niekalki razoŭ davali administracyjnyja sutki, ale tak i nie adpuścili, u vyniku zavioŭšy kryminalnuju spravu.

Praz hod jaho asudzili (sudździa Iryna Łančava) na siem hadoŭ kałonii ŭzmocnienaha režymu za «padrychtoŭku da ŭdziełu ŭ masavych biesparadkach». 

Tady zdavałasia, što heta žachlivy termin, ale praz hod sudovyja prysudy, na žal, pabili papiarednija terminy ŭ razy.

Razam z Paŭłam sudzili błohiera Źmitra Kazłova, hramadskuju aktyvistku Irynu Ščasnuju, aktyvistaŭ «Jeŭrapiejskaj Biełarusi» Jaŭhiena Afnahiela, Paŭła Juchnieviča, Maksima Viniarskaha i Andreja Vojniča.

Žurnalistka Luboŭ Łuniova ŭspaminała ŭ sacyjalnych sietkach:

«Ja jaho pamiataju jašče studentam. I pamiataju, jak jaho, vydatnika, sprabavali adličyć z univiersiteta, a my chadzili da rektara, bo tady jašče heta mieła i sens, i vynik…

Čaho tolki nie adbyłosia ad taho času!

Jość ludzi, ad jakich sapraŭdy idzie niejkaje śviatło. Paša zaŭsiody taki. A jašče ź jaho b vyjšaŭ cudoŭny piedahoh. Ja na svaje ŭłasnyja vočy bačyła, kolkim padletkam jon dapamoh utrymacca na darozie i nie zvalicca ŭ kanavu, kali ŭžo zusim vobrazna kazać».

Maci palityka Taćciana Sieviaryniec zhadała, jakim byŭ dla Paŭła kaniec 2006 hoda. Jon tady adbyvaŭ chimiju ŭ vioscy Małaje Sitna (Połacki rajon).

«My z Kastusiom naviedali ŭ Viciebskim IČU Valeru Ščukina, pieradali jamu što z navahodnich prysmakaŭ, haziety, viarnulisia dadomu i narešcie datelilisia da Paŭła — byŭ u atačeńni achovy u Małasitnienskim internacie lashasa. Zachvalavałasia ja, sabrali, što było, i rvanuli na vakzał. Achova źjechała sustrakać NH pa damach, Paša byŭ adzin. Abniali našaha syna, noč čytali paštoŭki, jakija panaprychodzili jamu z usiaho śvietu, častavali damašnim, krychu prykarnuli, byli śviedkami strohaha vychavańnia Paŭłam Partyzana — zdarovaha błakitnaha kata, jaki «składaŭ» Paŭłu «kampaniju» na vysyłcy…

A Paša pracavaŭ, jak zaŭsiody, bo marnavać čas jon tak i nie navučyŭsia. Tady my mahli voś tak u noč irvanuć da syna, być ź im pobač… Ciapier toje niemahčyma.

Ale ja dumkami ŭvieś čas z taboj, moj luby synok, malusia za ciabie i dziakuju Hospadu, što Jon ciabie nam daŭ», — napisała ŭ fejsbuku Taćciana Sieviaryniec.

Adras dla listoŭ: PK № 17. 213004, h. Škłoŭ, vuł. 1-ja Zavodskaja, 8

Kamientary1

  • mikola
    07.06.2023
    Trymaisja Paval !.......Pamjataiu Fota vystavu(Brussel/Antwerpen) rodnyja Palitvjaznjau na Belarusi.....

Ciapier čytajuć

Na kanviercie Cichanoŭskaj napisana «Miedviediu O.V.» Što heta za čałaviek?16

Na kanviercie Cichanoŭskaj napisana «Miedviediu O.V.» Što heta za čałaviek?

Usie naviny →
Usie naviny

U Kitai ŭspyška novaj zarazy2

Jość tolki adna ideja, jakaja abjadnoŭvaje ŭsich biełarusaŭ28

Rasija znoŭ rychtujecca da vyprabavańniaŭ «latajučaha Čarnobyla»1

U minskim restaranie ź bieźlimitam visiać abjavy ab štrafach za niedajedzienuju ježu. Uładalnik kaža, što tak vychoŭvaje klijentaŭ3

Paźniak: Ofis Cichanoŭskaj lažyć hniłoj kałodaj na šlachu biełaruskaha raźvićcia i baraćby za volnuju Biełaruś140

Błohierki masava zapisvajuć videa ŭ šalonaj pozie na špilkach. Što adbyvajecca?12

U DAI adkazali, ci buduć uvodzić dziaržaŭnuju rehistracyju elektrasamakataŭ 

U Polščy chočuć uvieści daviedku ab niesudzimaści i abaviazkovy psichatest dla kiroŭcaŭ taksi1

Vydańnie Bgmedia prosić pra dapamohu2

bolš čytanych navin
bolš łajkanych navin

Na kanviercie Cichanoŭskaj napisana «Miedviediu O.V.» Što heta za čałaviek?16

Na kanviercie Cichanoŭskaj napisana «Miedviediu O.V.» Što heta za čałaviek?

Hałoŭnaje
Usie naviny →

Zaŭvaha:

 

 

 

 

Zakryć Paviedamić