Karupcyjanieru sa Skidzielskaha cukrovaha kambinata chočuć źmiakčyć pakarańnie
Siarhieja Kulikoŭskaha, adnaho z eks-kiraŭnikoŭ Skidzielskaha cukrovaha kambinata, źbirajucca pieravieści na «chatniuju chimiju». U studzieni 2021 hoda jaho asudzili ŭ Hrodzienskim rajonnym sudzie na piać hadoŭ kałonii ŭzmocnienaha režymu. Pryčynaj stali chabary.
9 červienia ŭ cudzie Hrodzienskaha rajona prajšło pasiadžeńnie ab źmiakčeńni pakarańnia i pieraviadzieńni Kulikoŭskaha na «chatniuju chimiju». Sudździa — Vital Siniła. Vyniki pasiadžeńnia pakul nieviadomyja, piša Hrodna.life.
Raniej Kulikoŭskaha pryznali vinavatym pavodle č. 1 i č. 2 art. 430 KK «Atrymańnie chabaru». Taksama eks-kiraŭnik pavinien byŭ vypłacić štraf 500 bazavych vieličyń, tady — 14 500 rubloŭ. Jon na piać hadoŭ pazbaŭleny prava zajmać pasady, źviazanyja z vykanańniem administracyjna-haspadarčych i arhanizacyjna-rasparadčych abaviazkaŭ.
Pra toje, što abvinavačany pa spravie — były namieśnik hiendyrektara Skidzielskaha cukrovaha kambinata Siarhiej Kulikoŭski, pisaŭ Sputnik.by. Kiraŭnika zatrymali ŭ lipieni 2020.
Na kambinacie jon adkazvaŭ za nabyćcio i pierapracoŭku cukrovych burakoŭ i syrcu. Śledčyja naličyli 16 faktaŭ atrymańnia chabaraŭ na sumu zvyš 16 000 rubloŭ z 2015-ha pa lipień 2020 hoda. Jamu pieradavali hrošy za sadziejničańnie ŭ zaklučeńni vyhadnych dahavoraŭ pieravozak cukrovych burakoŭ i zabieśpiačeńnie pastajannaha supracoŭnictva z akcyjaniernym tavarystvam.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary