USU za tydzień zmahli ŭziać pad kantrol terytoryju pamieram z Bachmut
Ukrainskaja armija zmahła ŭziać pad kantrol niekalki nasielenych punktaŭ na miažy Danieckaj i Zaparožskaj abłaściej i prasunucca na adlehłaść da siami kiłamietraŭ. Pra heta paviedamlajuć rasijskija vajennyja błohiery i niezaležnyja analityki. Pavodle padlikaŭ telehram-kanała «Ahienctva. Naviny», USU za tydzień zmahli ŭziać pad kantrol kala 65 kv. km terytoryi ŭ hetym rajonie, to-bok terytoryju pamieram z Bachmut.
Ukrainie ŭdałosia dabicca pośpiechu ŭ rajonie Vialikaj Navasiołki. Jak pišuć rasijskija vajenkary, USU zmahli prasunucca da nasielenaha punkta Makaraŭka, uziaŭšy pad kantrol Niaskučnaje, Błahadatnaje i Staražavoje. Takim čynam Ukraina zmahła prasunucca prykładna na piać kiłamietraŭ na poŭdzień.
Jak piša WarGonzo, Makaraŭka — heta bolš surjoznaja strata, čym raniej zachoplenyja nasielenyja punkty, bo znachodzicca na vyšyni.
«Kali praciŭniku ŭdasca zamacavać pośpiech, to jon abaviazkova pasprabuje vykarystać hety punkt, jak płacdarm dla dalejšych dziejańniaŭ», — havorycca ŭ publikacyi. Pry hetym aŭtar adznačaje, što USU nie ŭdałosia «vyskačyć na apieratyŭny prastor», a pierad imi zaraz buduć druhaja i treciaja linii abarony rasijskaj armii. Pra heta ž piša kanał Colonelcassad, jaki miarkuje, što nastupnaja linija sudakranańnia projdzie ŭ rajonie Staramłynaŭki — heta jašče prykładna šeść kiłamietraŭ na poŭdzień.
Akramia taho, Colonelcassad źviartaje ŭvahu na toje, što na poŭdzień ad miesca bajoŭ raźmiaščajecca linija masiravanych umacavańniaŭ, jakija byli padrychtavanyja za apošnija miesiacy. Telehram-kanał «Rybar» nazyvaje adstupleńnie rasijskich sił na ŭschodzie Danieckaj vobłaści «płanavym adychodam rasijskich bajcoŭ». «Častki Minabarony arhanizavana adyšli na nastupnuju liniju abarony», — śćviardžaje vajenkar Alaksandr Sładkoŭ.
Jak piša ŭ tvitary analityk, viadomy pad nikam Def Mon, u rajonie Vialikaj Navasiołki Ukrainie za tydzień udałosia ŭziać pad kantrol terytoryju Bachmuta. Jon taksama adznačaje, što USU damahlisia niaznačnych pośpiechaŭ u rajonie Kramiannoj i Bachmuta, prasoŭvańnie možna acanić u niekalki sotniaŭ mietraŭ. Pry hetym u rajonie Takmaka ŭ Zaparožskaj vobłaści, dzie ŭkrainskija siły taksama sprabujuć nastupać, paćvierdžanaha prasoŭvańnia USU amal niama.
Amierykanski Instytut vyvučeńnia vajny (ISW) u apošniaj zvodcy paviedamiŭ, što Ukraina zmahła ŭziać pad kantrol terytoryju jak minimum na troch učastkach frontu: u rajonie Vialikaj Navasiołki, Bachmuta i Arechava (na poŭnač ad Tokmaka). Rasijskija vajenkary pry hetym pišuć, što ŭ rajonie Arechava ŭčastak frontu «ŭstojlivy», a ataki USU spynienyja.
Ab prasoŭvańni na ŭschodzie Danieckaj vobłaści napiaredadni paviedamili ŭ Minabarony Ukrainy. U adnym z pryharadaŭ Bachmuta USU zmahli prasunucca na 1,6 kiłamietra, paviedamlała namieśnica ministra abarony Ukrainy Hanna Malar.
Minabarony Rasii napiaredadni paviedamlała pra «naniasieńnie parazy navałam žyvoj siły i techniki» USU ŭ rajonie Niaskučnaha i Staražavoha.
Uładzimir Zialenski na vychadnych upieršyniu paćvierdziŭ, što Ukraina pačała kontrnastupleńnie.
Ukraina ŭ pačatku kontrnastupu sutyknułasia ź istotnymi stratami techniki, siarod jakoj, pa danych prajekta Oryx, siem niamieckich tankaŭ Leopard i 17 amierykanskich BMP Bradley.
Ciapier čytajuć
U centry Minska tajamniča źnikła dačka dyrektara bujnoha ahrakompleksu3
Kamientary