Kampanija Hvilina vypuściła hadzińnik z estetykaj pramysłovaści XIX stahodździa
Hvilina vypuściła abnoŭlenuju kalekcyju miechaničnych naručnych hadzińnikaŭ L&Mr. Za asnovu ŭziata važnaja histaryčnaja padzieja 1830 hoda — adkryćcio čyhunki Livierpul — Mančester (Liverpool and Manchester Railway) u Vialikabrytanii, piša Blizko.by.
U novaj sieryi prapanavany miechaničnyja madeli ŭ dvuch kalarovych rašeńniach u styli Industrial. Ich hałoŭnaja asablivaść — novy miechanizm i śpiecyjalny zavadny kluč Hvilina-winder.
Vizitnaj kartkaj abnoŭlenaj limitavanaj kalekcyi L&MR pasłužyli novy miechanizm Miyota 9029 premium automatic (24 rubinavyja kamiani), a taksama śpiecyjalny kluč dla jaho zavodu Hvilina-winder.
Źmianiŭsia i vonkavy vyhlad, jon staŭ bolš strymanym i vytančanym. Prazrysty korpus ciapier demanstruje pracu miechanizma, a na rotary vykanana hraviroŭka z dataj adkryćcia čyhunki.
U abnoŭlenym dyzajnie cyfierbłata źjaviłasia akno, jakoje adkryvaje elemient miechanizma.
Kalekcyja L&MR natchnionaja epochaj pramysłovaj revalucyi XVIII—XIX stahodździaŭ. Hety pieryjad byŭ napoŭnieny vialikaj kolkaściu novych adkryćciaŭ i śmiełych rašeńniaŭ. Adnym z takich staŭ pačatak raźvićcia čyhunačnaha transpartu.
Hadzińnikavaja strełka — sučasnaja interpretacyja dyzajnu jeŭrapiejskich vakzalnych hadzińnikaŭ taho času. Vydzielenaja koleram pamietka na 27 chvilinie — adsyłka da histaryčnaha fakta: ciahniki na čyhuncy Livierpul — Mančester kursiravali z chutkaściu 27 km/h. Bakaviny korpusa ŭ anfas stylizavanyja pad čyhunačnyja rejki.
Zavadny kluč Hvilina-winder — novy elemient, jaki zaklikany raznastaić dośvied vykarystańnia naručnych hadzińnikaŭ, a taksama vyrašyć techničnyja vykliki składanaha korpusa. U dyzajnie zavadnoha kluča vykarystana adsyłka da estetyki stylu Industrial ź firmovaj hraviroŭkaj.
Korpus hadzińnikaŭ vyrableny ź nieržaviejučaj stali, škło sapfiravaje, ramieńčyk z naturalnaj skury. Abjomnaja stylizavanaja ŭpakoŭka pahružaje ŭ estetyku kalekcyi z momantu raspakoŭvańnia.
Novaja kalekcyja ŭžo dastupnaja dla pieradzamovy sa źnižkaj 25% na sajcie kampanii. Usiaho budzie vypuščana 200 štuk kožnaj madeli. U prodažy hadzińniki źjaviacca ŭ kastryčniku.
Kamientary