Čamu łukašysty tak lubiać publičnyja prynižeńni i jak heta źmianiaje nas
Učora ŭ BDTU na vačach u vialikaj aŭdytoryi asudzili dvuch studentaŭ. Na minułym tydni hetak ža prafiłaktyčna sudzili baranavickuju studentku, jakaja nibyta abraziła Łukašenku. Psichaterapieŭtka Natalla Skibskaja prakamientavała «Našaj Nivie», jak takija pakazalnyja mierapryjemstvy ŭpłyvajuć na asobu i što rabić navakolnym u takoj situacyi.
Takija sudy raźličanyja na toje, kab pakazać asobie i hramadstvu, što jany biezabaronnyja.
«Robicca heta praz publičnaje prynižeńnie, prysutnych robiać saŭdzielnikami hetaha złačynstva, — tłumačyć Natalla. — Čałaviek, nad jakim adbyŭsia pakazalny sud, moža ŭ budučyni sam siabie «redahavać», strymlivać, naprykład, u vykazvańni asabistaha mierkavańnia. Sam dla siabie stanie sudździoj. Praz hety dośvied i strach. Razam z takim stracham asoba zamarožvajecca».
Psichaterapieŭtka adznačaje: psichika pracuje tak, što studenty, jakija prysutničajuć na takim sudzie, mohuć identyfikavać siabie z ahresaram. Bo identyfikacyja z achviaraj — heta biezabaronnaja pazicyja.
«Naprykład, ładzić niejki bajkot, niby takim čynam pierachodzić na mocny bok. Ludzi navokał pavinny razumieć, što ich uciahvajuć u hetu hulniu naŭmysna, i nie rabić tak.
Varta padtrymać čałavieka paśla, skazać jamu, što heta situacyja niepryhožaja, niepryjemnaja, tak być nie pavinna. Heta budzie lepš za ŭsio, vykazać spačuvańni hetamu čałavieku, hramadstva pavinna na takoje davać fidbek», — raskazvaje jana.
Udzieł piedahohaŭ u takich pakazalnych sudach — heta amaralna, jak ličyć Natalla Skibskaja.
«Jany dobra razumiejuć, što robiać, bo prachodzili pry navučańni kurs pa psichałohii, — kaža jana. — Abirajuć miechanizm identyfikacyi z ahresaram, kab nie adčuvać svajo biaśsille, unutry heta pazicyja adčuvajecca bolš mocnaj. Kali b jany mieli prynaležnaść da bolš mocnaha boku, to takuju identyfikacyju nie abrali b».
Čytajcie taksama:
Byłyja palitviaźni stvarajuć ułasnuju arhanizacyju za miažoj
-
«Šatł-bas spačatku spyniŭsia, a potym pačaŭ pavolna kacicca nazad». Biełarus, jaki staŭ vidavočcam avaryi ŭ Tajłandzie, raskazaŭ padrabiaznaści
-
U Partuhalii admianiajuć abaronu dla biełarusaŭ, jakija vyjechali z Ukrainy padčas vajny
-
«Vyklikajcie sanitaraŭ!» U Słucku piensijanierki apantana vajujuć ź dziciačaj placoŭkaj
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»5
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary
Dieržit v strachie i podčinienii, tolko iźbijenijami, ubijstvami i niezakonnymi sudami.