Łukašenka zajaviŭ pra 150 tysiač zabitych i paranienych za čas kontrnastupu, Minabarony RF nazvała ličby ŭ 20 razoŭ mienšyja. Realnyja buduć jašče mienšyja
Alaksandr Łukašenka ŭčora daŭ intervju rasijskaj prapahandystcy Volzie Skabiejevaj. Siarod inšaha jon nazvaŭ svaju viersiju strat USU padčas kontrnastupu. U hety ž čas Minabarony RF nazvała svaju ličbu.
«Kontrnastup [USU] 4-ha, 5-ha čysła pačaŭsia. Vy navat nie zaŭvažyli, my nazirajem, što tam adbyvajecca. Dyk voś, za hety čas ukraincaŭ zahinuła kala 40 tysiač. Zahinuła. I bolš za 100 nie viernucca: paranienyja. Razumiejecie, amal 120-150 tysiač.
I «Bredli» harać, «Leapardy» harać, jak našy savieckija tanki. Ale rasijanie navučylisia vajavać. Kontrnastupleńnie idzie, kułak idzie — 30-50 tankaŭ, ludzi iduć tysiačami, i jany nie dachodziać navat da piaredniaha kraju rasijskaha», — padzialiŭsia svaim bačańniem padziej Łukašenka.
U hety ž čas Minabarony RF ahučyła svaje ličby.
«Z 4 červienia ŭkrainskija Uzbrojenyja siły stracili tolki na linii bajavoha sudakranańnia kala 7,5 tysiačy čałaviek zabitymi i paranienymi,
nie ličačy zahinułych vajskoŭcaŭ u vyniku prymianieńnia rasijskaj vysokadakładnaj zbroi vialikaj dalokaści i avijacyi ŭ hłybini ŭkrainskaj terytoryi», — cytujuć infarmacyju Minabarony RF rasijskija miedyja.
To-bok ličby ŭ Łukašenki i Minabarony RF adroźnivajucca ŭ 20 razoŭ.
Možna mierkavać, što Minabarony Rasii značna zavyšaje pamier strat praciŭnika. Tak, jano zajaŭlaje pra źniščeńnie avijacyi i SPA Ukrainy jašče ŭ pieršyja dni vajny, a taksama nazyvała ličbu źniščanych «Chajmarsaŭ» bolšuju, čym kolkaść pastaŭlenych Ukrainie.
Čytajcie taksama:
Bajden: Rasija straciła ŭ Bachmucie kala sta tysiač čałaviek
Hrupoŭka Vahniera straciła va Ukrainie bolš za 30 tysiač čałaviek zabitymi i paranienymi — CNN
-
Ukraincy kontratakavali pad Kupianskam, rasijskija vojski trapili ŭ akružeńnie
-
Rute: My nastupnaja cel Rasii, i my pavinny być hatovyja da vajny maštabaŭ toj, jakuju pieražyli našy babuli i dziaduli
-
Polski hienierał: Kali tolki Rasija napadzie na NATA, na 300 kiłamietraŭ u hłybiniu jaje budzie vypalenaja ziamla
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary