Łukašenka zajaviŭ, što «vybary ŭ Biełarusi projduć sumlenna, nie jak u ZŠA»
Budučyja vybary ŭ Biełarusi projduć sumlenna, nie jak u ZŠA. Pra heta Alaksandr Łukašenka zajaviŭ na sustrečy sa staršynioj CVK Iharam Karpienkam, jak piša BiełTA.
Łukašenka zakranuŭ pytańnie zaprašeńnia naziralnikaŭ na vybary-2024.
«Subjekty, jakija zaprašajuć naziralnikaŭ, vyznačanyja zakonami. Nam chavać niama čaho. U patrebny čas, kali padydzie termin, kali my paličym patrebnym, my zaprosim naziralnikaŭ. Kab jany bačyli, jak buduć prachodzić vybary. Kab nas nie paprakali, što my pravodzim vybary, jak u Amierycy tam. I stralajuć u ludziej paśla vybaraŭ, i pa pošcie vybary pravodziać i hetak dalej. I falsifikacyj proćma. Heta ŭžo siońnia vidać. My pavinny sumlenna pravieści hetyja vybary», — pierakanany Łukašenka.
Jon dadaŭ, što chavać niama čaho.
«Kala 80% adnaznačna siońnia padtrymlivajuć toj kurs, jaki my vyznačyli. Nam čaho bajacca? Nu, za 20%, jakija vahajucca i jakija suprać, my jašče pazmahajemsia. Heta ja kažu jak prezident», — zajaviŭ Łukašenka.
U Biełarusi ŭ 2024 hodzie ŭpieršyniu projdzie Adziny dzień hałasavańnia (parłamienckija vybary + miascovyja). Adziny dzień hałasavańnia adbudziecca 25 lutaha 2024 hoda.
Falsifikacyja vynikaŭ prezidenckich vybaraŭ 2020 hoda praviała da masavych pratestaŭ biełarusaŭ. Pratesty byli žorstka zadušanyja. Tysiačy biełarusaŭ kinutyja ŭ turmy, dziasiatki tysiač prajšli praz administracyjnyja aryšty, sotni tysiač biełarusaŭ pakinuli krainu.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary