«Vykrykvała łozunhi, plaskała ŭ dałoni, błakavała ruch hramadskaha transpartu»: čarhovy prysud za padziei 2020 hoda
U sudzie Savieckaha rajona Minska adbyŭsia sud nad śpiecyjalistkaj pa padbory piersanału adnoj sa staličnych kampanij Vieranikaj Sidarenkaj. Jaje abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym ŭdziele ŭ ich (č. 1 art. 342 Kryminalnaha kodeksa).
Spravu razhladaŭ sudździa Alaksandr Jakunčychin.
Zhodna z materyjałami abvinavačańnia, Vieranika Sidarenka prymała ŭdzieł u niesankcyjanavanym masavym mierapryjemstvie vosieńniu 2020 hoda ŭ Minsku, pry hetym «publična vykrykvała łozunhi, ździajśniała hučnyja vopleski rukami, ažyćciaviła błakavańnie ruchu transpartu z dapamohaj pierakryćcia prajeznaj častki vulic, pieraškadžała narmalnaj pracy hramadskaha transpartu, čym pryčyniła škodu «Minsktransu» na sumu 9481 rubiel».
Jaje zatrymali viasnoj 2023 hoda i da suda źmiaścili pad vartu.
Vieraniku, jakaja trymała ŭ rukach płakat bieł-čyrvona-biełaha koleru z nadpisami, identyfikavali pa fota na adnym z sajtaŭ.
Jaje pryznali vinavataj i asudzili da abmiežavańnia voli ŭ papraŭčaj ustanovie adkrytaha typu na dva hady i šeść miesiacaŭ («chatniaja chimija»), jak piša «Viasna».
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary