«Ja razryvaju svoj kantrakt». Adzin z asnoŭnych kanałaŭ «Vahniera» raźjušana nakinuŭsia na Pryhožyna adrazu ž paśla źlivu miaciažu ŭ Rasii
«Nikčemny kryminalnik usim zdradziŭ. Śmiarotny prysud jon sabie zabiaśpiečyŭ».
Adzin z asnoŭnych ruparaŭ Pryhožyna i PVK «Vahnier» u telehramie ŭzbuntavaŭsia suprać svajho haspadara i pamianiaŭ svaju nazvu. Pryčynaj tamu pasłužyła toje, što «Pryhožyn źliŭ miaciež i ŭsim zdradziŭ».
Telehram-kanał AP Wagner z bolš čym 200 tysiačami padpisčykaŭ byŭ adnym z hałoŭnych raspaŭsiudžvalnikaŭ infarmacyi ad Jaŭhiena Pryhožyna padčas jaho miaciažu ŭ Rasii. Adnak paśla adychodu vahnieraŭcaŭ ad Maskvy administratar kanała zajaviŭ, što «razryvaje kantrakt» i mianiaje nazvu resursu (ciapier jaho nazva — Alex Parker Returns).
Kanał staŭ raźjušana krytykavać Pryhožyna za jaho ŭčynak i pahražać śmierciu. Voś jak heta vyhladała.
«Da siońniašnich padziej my rychtavalisia zahadzia. Usich instruktavali, što i jak rabić. Stajała zadača spravakavać evakuacyju topavych čynoŭnikaŭ i kiraŭnictva z Maskvy. Dalej my pavinny byli zajmać budynki ministerstvaŭ. Płany byli hrandyjoznyja, ale adzin sumnieŭny palityk źliŭsia za adzin dzień. Heta hańba», — piša adzin z hałoŭnych «vahnieraŭskich» telehram-kanałaŭ.
Nahadajem, što ŭčora Pryhožyn abjaviŭ ab pačatku vajennaha miaciažu. U vyniku nastupnych dziejańniaŭ PVK «Vahnier» zdoleła zachapić niekalki rasijskich haradoŭ i vialikimi kałonami ruchałasia da Maskvy, spravakavaŭšy mocnuju paniku ŭ rasijskaj elicie i hramadstvie. Ale potym usio raptam spyniłasia, i ciapier amnistavanaha Pryhožyna adpraŭlajuć u Biełaruś.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary