Jak vyśviatlajecca, nie tolki naš ziamlak Jeliezer Ben-Jehuda, adradžajučy hutarkovy iŭryt, razmaŭlaŭ sa svaimi dzietkami na niežyvoj movie: amierykanski doktar fiłałohii try hady źviartaŭsia da svajho syna vyklučna na movie, jakuju možna pačuć adno ŭ fantastyčnym sieryjale.
Doktar fiłałohii D'armand Śpirs nadumaŭ vyvučyć svaich dzietak movie, jakuju jon pačuŭ z vusnaŭ vymyślenych prychadniaŭ z kosmasu klinhoncaŭ, hierojaŭ sieryjału «Zorny šlach» (Star Trek). Zachapiŭšysia dziŭnymi rehistrami klinhonščyny, pierahladzieŭ sieryjał jašče raz, kab zapisać aryhinalnyja dyjałohi. Potym doktar prabaviŭ peŭny čas, pierakładajučy šmatlikija skazy z anhielskaj na klinhonskuju: jon mieŭ namier pačać vykładać jaje svaim budučym dzieciam.
Kali ŭ Śpirsa naradziŭsia syn Alek, ščaślivy baćka vyrašyŭ ažyćciavić svajo žadańnie i pačaŭ źviartacca da jaho vyklučna pa-klinhonsku. Da nieščaścia Śpirsa, jaho žonka nie mieła namieraŭ ŭdzielničać u fiłałahičnych ekśpierymientach, a naavarot: pramaŭlała da syna vyklučna pa-anhielsku.
Niehledziačy na pieraškody, spačatku ŭsio išło jak masłam pamazali. Na pieršych časach maleńki Alek upraŭdu pačaŭ zasvojvać movu dalokich płaniet. «Kali Alek pačaŭ adkazvać mnie pa-klinhonsku, jaho vymaŭleńnie było daskanałym», — kaža pra tyj pieryjad baćka. Ciažkaści pačalisia paśla taho, kali klinhonskaja mova nie pačała adkazvać vymoham miesca i časa, pakolki ŭ joj brakuje takich słovaŭ, jak «padhuźniki» i «soska». Urešcie d-r Śpirs zmušany byŭ admovicca ad svajho ambitnaha prajektu: syn kateharyčna pierastaŭ reahavać na zvaroty pa-klinhonsku. Siońnia Aleku 13 hadoŭ i jon da žalu, ani słova nie kaža hetaj vydumanaj movie.
«Zorny šlach» — sieryjał, jaki z 1964 hodu z pośpiecham idzie na ekranach śvietu. Fabuła sieryjału vielmi prostaja: u druhoj pałovie XXIII stahodździa kaśmičny karabiel Enterprise pad kiraŭnictvam kapitana Džejmsa Kirka daśleduje novyja suśviety. U kožnaj sieryi jon sustrakajecca z pradstaŭnikom niejkaj inšaj cyvilizacyi. Sieryjał niekalki razoŭ pierarablali, a sioleta vyjšaŭ paŭnamietražny film. Pavučycca kłynhonskaj movie možna na telekanale AXN-sci-fi, jaki tranśluje sieryjał «Zorny šlach» u Biełarusi.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii9
Kamientary