Як высвятляецца, не толькі наш зямляк Еліэзэр Бэн-Егуда, адраджаючы гутарковы іўрыт, размаўляў са сваімі дзеткамі на нежывой мове: амерыканскі доктар філалогіі тры гады звяртаўся да свайго сына выключна на мове, якую можна пачуць адно ў фантастычным серыяле.
Доктар філалогіі Д'арманд Спірс надумаў вывучыць сваіх дзетак мове, якую ён пачуў з вуснаў вымысленых прыхадняў з космасу клінгонцаў, герояў серыялу «Зорны шлях» (Star Trek). Захапіўшыся дзіўнымі рэгістрамі клінгоншчыны, пераглядзеў серыял яшчэ раз, каб запісаць арыгінальныя дыялогі. Потым доктар прабавіў пэўны час, перакладаючы шматлікія сказы з ангельскай на клінгонскую: ён меў намер пачаць выкладаць яе сваім будучым дзецям.
Калі ў Спірса нарадзіўся сын Алек, шчаслівы бацька вырашыў ажыццявіць сваё жаданне і пачаў звяртацца да яго выключна па-клінгонску. Да нешчасця Спірса, яго жонка не мела намераў ўдзельнічаць у філалагічных эксперыментах, а нааварот: прамаўляла да сына выключна па-ангельску.
Негледзячы на перашкоды, спачатку ўсё ішло як маслам памазалі. На першых часах маленькі Алек упраўду пачаў засвойваць мову далёкіх планет. «Калі Алек пачаў адказваць мне па-клінгонску, яго вымаўленне было дасканалым», — кажа пра тый перыяд бацька. Цяжкасці пачаліся пасля таго, калі клінгонская мова не пачала адказваць вымогам месца і часа, паколькі ў ёй бракуе такіх словаў, як «падгузнікі» і «соска». Урэшце д-р Спірс змушаны быў адмовіцца ад свайго амбітнага праекту: сын катэгарычна перастаў рэагаваць на звароты па-клінгонску. Сёння Алеку 13 гадоў і ён да жалю, ані слова не кажа гэтай выдуманай мове.
«Зорны шлях» — серыял, які з 1964 году з поспехам ідзе на экранах свету. Фабула серыялу вельмі простая: у другой палове XXIII стагоддзя касмічны карабель Enterprise пад кіраўніцтвам капітана Джэймса Кірка даследуе новыя сусветы. У кожнай серыі ён сустракаецца з прадстаўніком нейкай іншай цывілізацыі. Серыял некалькі разоў перараблялі, а сёлета выйшаў паўнаметражны фільм. Павучыцца клынгонскай мове можна на тэлеканале AXN-sci-fi, які транслюе серыял «Зорны шлях» у Беларусі.
Цяпер чытаюць
Жыхары Грушаўкі і Міхалова застаюцца без дэпутаткі: чэмпіёнка Мірончык-Іванова збіраецца ў дэкрэт18
Каментары