Paśla praciahłaha maŭčańnia prapahandystka Simańjan vykazałasia nakont miaciažu vahnieraŭcaŭ
Marharyta Simańjan učora ŭviečary ŭpieršyniu adreahavała na situacyju z PVK «Vahnier». Zvyčajna aktyŭnaja ŭ sietkach, jana ničoha tam nie pisała z 19:21 23 červienia.
Pakul Pryhožyn išoŭ na Maskvu, Simańjan maŭčała, što «navat sparadziła čutki, a ci nie zdaryłasia ź joj raptam čahości drennaha», jak iranizuje «Baza».
Uviečary 25 červienia źjaviłasia videa z kiraŭnicaj RT u studyi Uładzimira Sałaŭjova. Tam Simańjan krychu patłumačyła svajo maŭčańnie.
«Nie byvaje dobra ŭ hramadzianskaj vajnie. I narmalny čałaviek, jon nie za biełych i nie za čyrvonych — jon za hramadzianskuju zhodu i suprać hramadzianskaj vajny. Tamu što kali my ŭsie, narmalnyja ludzi, havorym pra situacyju z Ukrainaj i z NATO, što my za mir paśla pieramohi, — heta kali my zmahajemsia z voraham. Tamu što z voraham moža być mir paśla pieramohi. A kali ty zmahaješsia z bratam, nijakaj pieramohi być nie moža ni ŭ kaho. Brat na brata — heta vajna biez mahčymaści pieramohi», — skazała jana.
Akramia taho, jana vystupiła z abaronaju rašeńnia adpuścić biez pakarańnia kiraŭnika PVK Jaŭhiena Pryhožyna (prytym što Pucin abiacaŭ, što nichto ź miaciežnikaŭ biez pakarańnia nie zastaniecca).
«Ciapier šmat abmiarkoŭvajuć: voś zaviali kryminalnuju spravu, a potym adpuścili [Pryhožyna], źjechaŭ u Biełaruś — heta ž naśmieška ź jurydyčnych norm. Jurydyčnyja normy — heta nie zapaviedzi Chrystovyja i nie skryžali Majsiejevy. Ich pišuć ludzi, kab jany abaraniali pravaparadak i stabilnaść u krainie. I kali ŭ niejkich vyklučnych krytyčnych vypadkach atrymlivajecca tak, što jany pierastajuć vykonvać svaju funkcyju, a vykonvajuć zvarotnuju, to jany iduć lesam», — skazała Simańjan.
«Vybar byŭ pamiž drennym i žachlivym. Strašniej za hramadzianskaje supraćstajańnie nie moža być ničoha, uklučajučy ŭžo tym bolš parušeńnie niejkich jurydyčnych norm», — dadała prapahandystka.
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary
Ciel miatieža Prihožina- posmotrieť kak rośsijanie, vojennyje i milicija budut rieahirovať na riealnyj miatiež i pochod na Moskvu. Hłava "Vahniera" žie zvał vsie žiełajuŝich prisojediniatsia k niemu. Popytaťsia ostanoviť dvižienije miatiežnikov, okružiť i błokirovať ich. Vyčiśliť, tiech kto chotieł prisojediniťsia i nakazať ich. Vsie dumajut, čto eto po nastojaŝiemu, kromie hłavnych orhanizatorov v Kriemle. Film takoj jesť "Ihra Endiera". Tam v koncie, kohda była riealnaja bitva s inopłanietianami, vsie piłoty ludi dumali čto eto finalnaja riealističnaja trienirovka. Komandovanije tak podstroiło, čtoby piłoty nie vołnovaliś, nie panikovali i dali maksimalnyj riezultat. V situacii s miatiežom Prihožina vsio naoborot. Takaja "provierka na všivosť" rośsijanskoho naroda. Vot Šojhu prijechał na front rasśledovať, kaźniť i nahraždať.
Kto čto dumajet po takoj viersii?