Armija Rasii prykładna ŭ 19:32 abstralała centr Kramatorska na Danieččynie, patrapiŭšy va ŭstanovy hramadskaha charčavańnia, dzie była «vialikaja kolkaść ludziej». Pra heta paviedamiŭ načalnik abłasnoj vajskovaj administracyi Pavieł Kirylenka ŭ efiry telemarafonu «Adzinyja naviny».
«Źviestki pra paciarpiełych i razbureńni vyśviatlajuć. Na miescy zdareńnia razharnuli apieratyŭny štab, usiu nieabchodnuju dapamohu buduć akazvać paranienym», — adznačyŭ Kirylenka.
Jak paviedamili ŭ Kramatorskaj haradskoj vajskovaj administracyi, na miescy rakietnaha ŭdaru ŭ centry Kramatorska viaduć pošukava-vyratavalnyja pracy.
Pavodle źviestak ministra ŭnutranych spraŭ Ukrainy Ihara Klimienki, u vyniku abstrełu zahinuli 2 čałavieki, 22 atrymali traŭmy, ź jakich 1 dzicia.
«Paškodžanyja budynki ŭstanovy charčavańnia i niekalki pryvatnych damoŭ. Praciahvajecca razbor zavałaŭ. Tam mohuć znachodzicca ludzi. Ratavalniki i palicejskija pracujuć na miescy», — paviedamiŭ Klimienka.
Kamientary