U vyniku rasijskaha ŭdaru pa Kramatorsku zahinuli dźvie siastryčki-školnicy. Jany tolki skončyli 8-y kłas
Zahinułyja školnicy 4 vieraśnia pavinny byli śviatkavać svajo 15-hodździe.
«Z sumam i nievynosnym bolem paviedamlajem pra hibiel dźviuch siaścior Julii i Hanny Aksiončanak, vučanic kramatorskaj škoły №24», — havorycca ŭ paviedamleńni ŭpraŭleńnia adukacyi Kramatorskaj haradskoj rady ŭ telehram-kanale.
Zahinułyja školnicy 4 vieraśnia pavinny byli śviatkavać svajo 15-hodździe.
«Ciažka znajści słovy suciašeńnia, niemahčyma zahaić bol i horyč ad straty, bo śmierć samych rodnych ludziej — vialikaje vyprabavańnie. U hety horki momant padzialajem hora vašaj siamji i razam z vami schilajem hałavu ŭ hłybokim smutku», — dadali va ŭpraŭleńni, jak piša UNIAN.
27 červienia rasijanie nanieśli dva rakietnyja ŭdary pa centry Kramatorska. Adzin sa snaradaŭ trapiŭ u piceryju, dzie znachodzilisia dzieci. Pieršapačatkova paviedamlałasia, što akupanty ŭdaryli z ZRK S-300, ale paźniej stała viadoma, što ŭdar byŭ učynieny dźviuma rakietami «Iskander».
Viadoma pra dzieviać zahinułych, siarod jakich try niepaŭnaletnija dziaŭčynki — adna 17-ci hadoŭ i zhadanyja vyšej dźvie siastry 14-ci hadoŭ. Pry hetym hienieralny prakuror Andrej Kościn paviedamiŭ, što ŭsiaho paciarpieli 60 čałaviek.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
Kamientary