Adpracavanaje jadziernaje paliva ź BiełAES buduć spačatku vyvozić u Rasiju, a paśla viartać u Biełaruś
Adpracavanaje jadziernaje paliva ź BiełAES budzie vyvozicca na pierapracoŭku ŭ Rasiju z nastupnym viartańniem u Biełaruś praduktaŭ pierapracoŭki dla zachoŭvańnia, jak raskazała na bryfinhu načalnica ŭpraŭleńnia techničnaha supravadžeńnia AES DVA «Biełenierha» Nadzieja Zdanievič.
«Zychodziačy z vynikaŭ praviedzienych daśledavańniaŭ i acenak, pieravažnym varyjantam abychodžańnia z adpracavanym jadziernym palivam byŭ pryniaty
varyjant jaho pierapracoŭki ŭ Rasijskaj Fiederacyi ź viartańniem u Biełaruś adkidaŭ pierapracoŭki, uklučanych u škłopadobnuju matrycu, jakija źmiaščajuć radyjenuklidy cezijevaj i stroncyjevaj frakcyi z vyklučeńniem daŭhaviečnych radyjenuklidaŭ», — zajaviła čynoŭnica.
Pavodle jaje słoŭ, hety padychod byŭ pakładzieny ŭ asnovu mižuradavaha pahadnieńnia Biełarusi i Rasii ab abychodžańni ź jadziernym palivam. Ciapier viadziecca aktyŭnaja rabota pa realizacyi pałažeńniaŭ dakumienta.
U Minenierha adznačyli, što prahramu abychodžańnia ź jadziernymi adkidami raspracujuć da kanca 2024 hoda. Na hety momant vykanana try ź dziesiaci etapaŭ.
Placoŭka ž dla raźmiaščeńnia punkta zachavańnia radyjeaktyŭnych adkidaŭ pakul nie abrana.
«Ciapier zacikaŭlenymi dziaržorhanami rychtujecca darožnaja karta pa realizacyi prajekta budaŭnictva punkta zachavańnia RAA. Pieršuju čarhu abjekta płanujecca ŭźvieści da 2030 hoda», — rastłumačyli ŭ viedamstvie.
Čytajcie taksama:
Druhi enierhabłok BiełAES znoŭ adklučajuć ad sietki
Minenierha abvierhła infarmacyju pra vykidy na BiełAES
Mahutnaść druhoha błoka BiełAES pavysili da 50% u prysutnaści Hałoŭčanki i Lichačova
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia14
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2222
Kamientary
Tohda obieŝali čto otchody budut vyvoziťsia v Rośsiju.