Ekanomika1212

U tyktok vykłali šakujučaje videa ź cialatami pa šyju ŭ hnai. Čynoŭniki tłumačać, što zdaryłasia 

Rabotniki fiermy ź vioski Alaksandraŭka Karmianskaha rajona vykłali videa ŭ sacyjalnyja sietki, kab pryciahnuć uvahu da taho, jak abychodziacca z žyviołami ŭ sielhaspradpryjemstvie «Dubavica». 

Ciala z kałhasa «Dubavica» pa šyju ŭ hnajavoj žyžy. Skryn videa z sacyjalnych sietak

Na videa, jakoje raźlaciełasia pa sacyjalnych sietkach, bačna, što ŭ daŭno niačyščanym zahonie adno ź cialat lažyć u hnajavoj žyžy, a inšyja ledź pierastaŭlajuć nohi pa brudzie.

Taksama bačnaje cieła zdochłaj žyvioliny, jakoje amal patanuła ŭ hnai.

Kiraŭnictva haspadarki paźbiahaje kamientavać situacyju na fiermie.

U Karmianskim rajvykankamie zajavili, što fierma — zakryty dla naviedvańnia starońnimi ludźmi abjekt, i admovilisia havaryć pra ŭtrymańnie žyvioł u «Dubavicy».

Cialaty z «Dubavicy» ŭ zabrudžanym zahonie. Skryn videa z sacyjalnych sietak

U adnym z kamitetaŭ Homielskaha abłvykankama zapeŭnili, što pakazany na videa zabrudžany zahon užo pačyścili, a cialat pierahnali ŭ inšaje miesca. Usio heta było zroblena na praciahu 4-5 hadzin paśla źjaŭleńnia videa ŭ internecie.

«Aŭtar videa vydaliŭ jaho z tyktoku, bo ŭbačyŭ, što situacyja vypraŭlenaja. Na žal, našy ludzi nie mohuć pazvanić kiraŭnictvu rajona i abaznačyć prablemu, a zajmacca tolki takim pijaram», — narakajuć čynoŭniki.

Jany tłumačać, što zahon, jaki znachodzicca ŭ nizoŭi, zatapiła praliŭnymi daždžami.

«Usio, što tam [na videa] pakazvajuć, — heta karmavy stoł, da jakoha źbiehłasia arhanika. A sam zahon u narmalnym stanie. Ciapier tam čysta i sucha», — śćviardžajuć u abłvykankamie.

Pavodle čynoŭnikaŭ, kiraŭnika haspadarki pryciahnuli da adkaznaści i jašče idzie rasśledavańnie. Pa jaho skančeńni buduć pakaranyja inšyja vinavatyja asoby.

Sielhaspradpryjemstva «Dubavica» śpiecyjalizujecca na vytvorčaści miasa i małaka, vyroščvańni zbožža i raźviadzieńni bujnoj rahataj žyvioły.

Cieła zdochłaj žyvioliny ŭ zabrudžanym zahonie haspadarki «Dubavica». Skryn videa z sacyjalnych sietak

Sioleta Dziaržkantrol kanstatavaŭ, što ŭ Homielskaj vobłaści ŭ 9 z 21 rajona pavialičyłasia śmiarotnaść žyvioł. Pa fakcie ŭtojvańnia hetych faktaŭ raspačatyja amal čatyry dziasiatki kryminalnych spraŭ.

Siarod prablemaŭ kantralory nazvali zahnojenaść fiermaŭ, adsutnaść zbałansavanaści racyjonu karmleńnia žyvioł dy nizkaja jakaść karmoŭ. Haspadarkam nie chapaje śpiecyjalistaŭ. Adsutničajuć zaatechničnyja i vieterynarnyja słužby.

U spravazdačy Dziaržkantrolu zhadvałasia i sielhaspradpryjemstva «Dubavica». Vykanaŭca abaviazkaŭ kiraŭnika haspadarki Andrej Kaŭhanaŭ apraŭdvaŭ padziež karovinaha statku niedachopam karmoŭ.

«Žyvioły źniasileli», — pryznavaŭ Kaŭhanaŭ.

«Naša Niva» — bastyjon biełaruščyny

PADTRYMAĆ

Hladzicie taksama:

«Piarednija cycki pryhožyja, a zadnija — nie». U krainie prachodzić kastynh siarod karoŭ, najlepšaja pajedzie zavajoŭvać stalicu

Kala Čarnobyla žyvie statak dzikich karoŭ, jakija navučylisia vyžyvać samastojna. Ich navat nie treba daić

Biełaruski piensijanier raskazvaje pra Hruziju, pracu ŭ fiermiera, vino, hajučuju pryrodu dy złość na łukašystaŭ

Kamientary12

  • Mojša
    05.07.2023
    Saŭkovyja čynušy nie pryvykli žyć pad kantrolem žurnalistaŭ i błohieraŭ im by ŭsie ciškom rašać.
  • Tojsamy
    05.07.2023
    Karovy nie dochnuć. Tut jana zahinuła. Karova - karmicielka. Jany padajuć, ci prapadajuć, tak kažuć biełarusy.
  • Paraska
    05.07.2023
    och, a što Šolc u Niamieččynie jezdzić pa krainie i kantraluje sanitarny stan fiermau ? Tolki pryvatnaja ułasnaść a nie dziaržaunaja typu usio kałchoznaje usio majo , budzie pryvatnaja ułasnaść to nijaki Łukašenka i nos svoj nat nie usunie z kamierami kab "izobražaťsia" na publiku jaki jon spraviadlivy 😄 teatr adnaho aktora

Ciapier čytajuć

Vaskrasienski: Adkryvajecca nieba — i Aleś Bialacki adrazu vychodzić31

Vaskrasienski: Adkryvajecca nieba — i Aleś Bialacki adrazu vychodzić

Usie naviny →
Usie naviny

Kolki kaštuje sabrać dzicia ŭ škołu sioleta1

Kolki možna zarabić na vysiakańni kustoŭ u Šviecyi? Małady biełarus padzialiŭsia dośviedam19

Pamior Mikoła Lucko

Ivan Kraŭcoŭ: Zajavy Cichanoŭskaj vyhladajuć kryvadušnymi56

Vyjšaŭ na volu były staršynia jaŭrejskaj abščyny ŭ Hrodnie

Tramp skazaŭ, što ZŠA daviadziecca znoŭ pastaŭlać zbroju Ukrainie. Pientahon adrazu ž abviaściŭ, što ŭžo pačynaje pastaŭki5

«Ja byŭ u takoj dupie, ale pahladzicie na mianie». Staŭki daviali biełarusa da dna — jon raskazvaje, jak vybraŭsia nazad3

«Mnie było 15». Były student abvinavaciŭ vykładčyka i kiraŭnika ansambla «Biełaja Ruś» u damahańniach, jakija ciahnulisia kala hoda14

Na vajnie va Ukrainie zahinuŭ były dyrektar dvuch aršanskich zavodaŭ16

bolš čytanych navin
bolš łajkanych navin

Vaskrasienski: Adkryvajecca nieba — i Aleś Bialacki adrazu vychodzić31

Vaskrasienski: Adkryvajecca nieba — i Aleś Bialacki adrazu vychodzić

Hałoŭnaje
Usie naviny →

Zaŭvaha:

 

 

 

 

Zakryć Paviedamić