Škołam u Viciebskaj vobłaści masava nadajucca imiony savieckich hierojaŭ
Za apošnija čatyry hady z 350 siarednich navučalnych ustanoŭ Viciebskaj vobłaści bolš za sto ŭžo nabyli imiony roznych ludziej, što prasłavilisia ŭ saviecki čas. U asnoŭnym heta vajskoŭcy ci partyzany, jakija atrymali zvańni Hierojaŭ Savieckaha Sajuza. Tolki ŭ adnym Viciebsku takich škoł — kala dvuch dziasiatkaŭ, jak zaŭvažyła «Viciebskaja viasna».
Idejnym natchnialnikam i vykanaŭcam hetaha prajekta staŭ staršynia Viciebskaha abłasnoha Savieta deputataŭ Uładzimir Ciarenćjeŭ.
Pavodle słoŭ čynoŭnika, ciapier bolš jak 100 škoł Viciebščyny majuć imiony savieckich hierojaŭ, i praca hetaja budzie praciahvacca.
28 červienia Ciarenćjeŭ uziaŭ udzieł va ŭračystym mierapryjemstvie z nahody prysvajeńnia siaredniaj škole №2 horada Novałukomla imia staršaha lejtenanta vojskaŭ NKVD-NKHB Hieroja Savieckaha Sajuza Fiodara Aźmiciela. U Čašnickim rajonie heta ŭžo treciaja škoła, jakaja atrymała imia Hieroja Savieckaha Sajuza.
A na nastupny dzień toj ža Ciarenćjeŭ prysutničaŭ na novym publičnym mierapryjemstvie — u honar prysvajeńnia siaredniaj škole №2 Oršy imia kamandzira dyvizijona 462-ha artyleryjskaha pałka 13-j armii Zachodniaha frontu Hieroja Savieckaha Sajuza Barysa Chihryna.
Pry hetym navat u susiedniaj rasijskaj Smalenskaj vobłaści padobnaha impetu nie nazirajecca. Z 425-ci miascovych škoł imiony savieckich hierojaŭ nosiać tolki 17.
Čytajcie taksama:
Chistkaje stanovišča. Pad Minskam razvalvajecca rekanstrujavany Kurhan Słavy
-
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»
-
«Paznajomiłasia z tureckim vajskoŭcam praź internet. Praź miesiac razam siadzieli nad asmanska-biełaruskim słoŭnikam Sokałava-Vojuša»
-
«Sdiełano v Biełoruśsii». Sacsietki ŭzbudzilisia ad syru zahadkavaha pachodžańnia
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim31
Kamientary