«Adnaŭlajusia paśla «kurorta». Nadzieja Astapčuk raskazała, čym ciapier zajmajecca
Nadzieja Astapčuk — viadomaja šturchalnica jadra, bronzavaja pryziorka Alimpijady-2008 i spartsmienka, jakaja paśla 2020 hoda vystupiła suprać hvałtu i za praviadzieńnie sumlennych vybaraŭ. Za heta joj daviałosia prajści praz dvuchmiesiačnaje źniavoleńnie. «Narodnaja Vola» pacikaviłasia ŭ Nadziei, čym jana zajmajecca ciapier.
Paśla vyzvaleńnia ź CIP na Akreścina ŭ lutym hetaha hoda znakamitaja spartsmienka była vymušanaja dać «intervju» prapahandystu Maratu Markavu. Paśla taho jana na paŭhoda źnikła. Telefon Nadziei byŭ adklučany, na paviedamleńni jana nie adkazvała. I tolki ŭ minułym miesiacy Astapčuk abjaviłasia ŭ sacyjalnych sietkach, vystaviŭšy kałaž z fota, dzie jana źniataja z roznymi pryčoskami.
Hetym razam telefon Nadzieja Astapčuk uziała, ale adkaz jaje byŭ karotkim:
«Pakul bieź intervju, raskazać niejkija padrabiaznaści ŭ hety momant nie mahu. Jak kažuć u adnoj modnaj frazie: «Prašu pastavicca da hetaha z razumieńniem!»
Na pytańnie, čym jana ciapier zajmajecca i jakija maje płany, kolišniaja čempijonka adkazała:
«Adnaŭlajusia paśla «kurorta». Akramia taho, zajmajusia nazapašanymi za paŭhoda pytańniami i pa mahčymaści dapamahaju ludziam, jakija byli ci znachodziacca ŭ takoj ža situacyi, jak i ja».
Čytajcie taksama:
Handbolny kłub «Viciaź», jaki ŭ 2020 hodzie zastaŭsia z narodam, viartajecca ŭ hulniu
Futbalist, jaki admoviŭsia hulać u zbornaj pry Łukašenku, pierajšoŭ u polski kłub
-
Da maci biełaruskaha vandroŭnika, jaki ździejśniŭ kruhaśvietku, prychodzili siłaviki
-
Prapahandysty paśla roliku ŭ tyktoku pajechali ŭ viaskovuju kramu — tam užo ŭsie zadavolenyja, a palicy poŭnyja
-
«Nie viedaju, što vy tam vypraŭlali, ale minus jak byŭ tak i zastaŭsia». Klijenty bankaŭ praciahvajuć skardzicca na niapravilnyja bałansy
Ciapier čytajuć
Polšča pryznała Alaksandra Mašenskaha niepažadanaj asobaj35
Kamientary