Prezientacyja turystyčnaha, ekanamičnaha i kulturnaha patencyjału anieksavanaj u 2014 hodzie Rasijaj Respubliki Krym projdzie ŭ Biełarusi 10-12 lipienia, jak paviedamlaje Sputnik sa spasyłkaj na pasolstva RF.
U stalicy zapłanavany šerah mierapryjemstvaŭ, u ramkach jakich projdzie taksama prezientacyja turystyčnaha, ekanamičnaha i inviestycyjnaha patencyjału Kryma.
U pryvatnaści, budzie prezientavany prajekt «Respublika Krym — Paŭdniovyja marskija varoty Sajuznaj dziaržavy», zapłanavany dziełavyja pieramovy pa pytańniach svabodnaj ekanamičnaj zony Minska.
Taksama ŭ Domie Maskvy ŭ Minsku budzie adkryta vystava archiŭnych materyjałaŭ, prymierkavanaja da 240-hodździa Manifiesta Kaciaryny II ab dałučeńni Kryma, Kubani i Tamani da Rasijskaj Impieryi.
Prahramaj dzion Kryma praduhledžana padpisańnie pahadnieńnia ab ustanaŭleńni družalubnych adnosin pamiž Sakskim rajonam Kryma i Pastaŭskim rajonam Viciebskaj vobłaści.
Taksama zapłanavana ekśpiertnaja dyskusija na temu «Sajuznaja dziaržava — zaviaršalny etap. Značeńnie mižrehijanalnaha i mižmunicypalnaha supracoŭnictva».
U dypmisii paviedamili, što płanujecca kancertnaja prahrama, a taksama sustrečy z kiraŭnictvam Ministerstva kultury Biełarusi.
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary
o jak - zaviaršalny etap (