«Dadzienaje paviedamleńnie nie adpaviadaje sapraŭdnaści…»

16 listapada na adras Redakcyi haziety «Naša Niva» Ministerstvam infarmacyi byŭ nakiravany dakumient nastupnaha źmiestu:

Paradoks situacyi ŭ tym, što ŭ abhruntavańni papiaredžańnia ministr spasyłajecca na piśmo Ministerstva achovy zdaroŭja, miž tym materyjały, apublikavanyja ŭ haziecie, akurat i dakazvali,

što Ministerstva achovy zdaroŭja nie daje poŭnaj i dastaviernaj infarmacyi pra sanitarna‑epidemijałahičnuju situacyju ŭ krainie, kolkaść vypadkaŭ zachvorvańnia na śviny hryp i pnieŭmaniju, u tym liku ź letalnym zychodam.

Nahadajem, što pa stanie na 3 listapada, dzień zdačy numara ŭ druk, hałoŭnaja sanitarnaja doktarka krainy admaŭlała najaŭnaść śmiarotnych vypadkaŭ u vyniku ŭskładnieńnia virusnych infiekcyj. Miž tym, na momant zdačy numara ŭ druk niezaležnyja ŚMI mieli kopii vynikaŭ miedycynskich ekśpiertyz ab pryčynach śmierci ludziej, dzie čornym pa biełym było paznačana, što jany pamierli ad krajnie ciažkaj formy pnieŭmanii i ŭ pamierłych była vyjaŭlena RNK virusa hrypu A/H1‑swine. Darečy, kopija adnaho z takich daniasieńniaŭ (a ich u rasparadžeńni było niekalki) była nadrukavana ŭ jakaści fotailustracyi da artykuła, za cytatu ź jakoha «Našaj Nivie» było vyniesiena papiaredžańnie.

Hetaje daniasieńnie było składziena 26 kastryčnika, a vysłana, u tym liku na adras hałoŭnaj sanitarnaj doktarki Kačan V.V., 28.10. A jašče 2.11 Kačan V.V. praź dziaržaŭnyja ŚMI paviedamlała, što ŭ Biełarusi niama epidemii hrypu A/N1N1 i ničoha nie paviedamlała pra vypadki śmierci ŭ vyniku jaho. Miž tym, pa našaj infarmacyi, pik uskładnieńniaŭ prypaŭ na kaniec kastryčnika i pieršyja dni listapada.

U suviazi z vyšejpaznačanym žurnalisty haziety pryjšli da vysnovy, što orhany Ministerstva achovy zdaroŭja nie davali praŭdzivaj i dastaviernaj infarmacyi. My vymušany byli hruntavacca na infarmacyi, atrymanaj z krynic siarod miedycynskich rabotnikaŭ krainy.

«Naša Niva» apublikavała ŭzvažany artykuł na hetuju temu. U im, u pryvatnaści, havaryłasia: «Pakul zarana kazać, ci biełaruskija daktary majuć spravu tolki sa śvinym hrypam, ci taksama ź inšym varyjantam virusnaj infiekcyi. Charakterna tolki toje, što sioletniaja infiekcyja raspaŭsiudziłasia nadzvyčajna rana jak dla hrypu i, u nievialikaj kolkaści vypadkaŭ, daje surjoznyja ŭskładnieńni ŭ vyhladzie chutkaciečnych pnieŭmanij».

Viadoma, orhany achovy zdaroŭja mohuć pryznavać virusnyja infiekcyi i vyklikanyja imi pnieŭmanii pryčynaj śmierci — jak heta robicca va Ukrainie, Rasii i Polščy, a mohuć nie pryznavać. Urešcie, kožny čałaviek pamiraje ad spynieńnia serca. Voś i ŭ №44 haziety my pryvodzim historyju Siarhieja Koršaka, jaki pamior u vyniku hrypu, uskładnienaha pnieŭmanijaj. A aficyjnaja pryčyna śmierci hučała: sardečna‑lohačnaja niedastatkovaść (staronki 1, 5).

Supraćpraŭna chavać ad hramadstva žyćciova važnyja dla jaho źviestki, asabliva takija, što tyčacca pašyreńnia virusnych infiekcyj. U adpaviednaści z art. 14 Zakona RB «Ab dziaržaŭnych sakretach» nie moža być sakretnaj infarmacyja, važnaja dla zachavańnia zdaroŭja hramadzian i datyčnaja epidemijałahičnych situacyj. Bolš za toje, chavać realny stan spravaŭ — kaščunna ŭ adnosinach da pamierłych.

My majem prava šukać infarmacyju nie tolki ŭ aficyjnych, ale i ŭ nieaficyjnych krynicach. My majem prava na praviadzieńnie žurnalisckich rasśledavańniaŭ.

My nastojvajem i absalutna ŭpeŭnienyja, što infarmacyja, apublikavanaja ŭ «NN», praŭdzivaja, a voś źviestki, jakija aficyjna pryvodzili orhany achovy zdaroŭja, — niapoŭnyja.

Upeŭnivajem Vas, što žurnalist pryniaŭ usie mahčymyja miery, kab pravieryć atrymanuju infarmacyju. Toje, što jana adpaviadaje rečaisnaści, paćviardžajecca:

1. dakumientam, jaki nadrukavany ŭ jakaści fotailustracyi da artykuła;

2. źviestkami ad supracoŭnikaŭ miedyčnych ustanovaŭ, imiony jakich my nie majem prava nazyvać zhodna z artykułam 39 zakona RB «Ab srodkach masavaj infarmacyi», a taksama nadrukavanych u šerahu srodkaŭ masavaj infarmacyi;

3. siarednimi dadzienymi ab śmiarotnaści ŭ Biełarusi, u tym liku i tymi, jakija nadalej vykazvalisia aficyjnymi asobami (źviartajem Vašu ŭvahu, što ličbavyja dadzienyja, jakija pryviedzienyja ŭ artykule: «pa stanie na piatnicu, 30 kastryčnika, u krainie zafiksavana 39 śmierciaŭ, ź ich 9 u Minsku», — tyčacca kastryčnika, a nie adnaho dnia).

My źviarnulisia da Ministerstva achovy zdaroŭja i Kamiteta pa achovie zdaroŭja Minharvykankama ź listom nastupnaha źmiestu:

«Ministerstvu achovy zdaroŭja Respubliki Biełaruś
Namieśnicy ministra achovy
zdaroŭja, hałoŭnamu sanitarnamu doktaru Respubliki Biełaruś Kačan V.I.
Kamitetu pa achovie zdaroŭja Minharvykankama
haziety «Naša Niva»

Zapyt

U adpaviednaści z art. 34 Zakona RB «Ab srodkach masavaj infarmacyi» i art. 14 Zakona RB «Ab dziaržaŭnych sakretach»
prosim
1. Pradastavić infarmacyju ab ahulnaj kolkaści pamierłych ad pnieŭmanii ŭ Biełarusi ŭ cełym i ŭ Minsku na praciahu kastryčnika 2009 hoda.
2. Pradastavić mahčymaść aznajomicca z unutranaj pierapiskaj Ministerstva achovy zdaroŭja Respubliki Biełaruś i Kamiteta pa achovie zdaroŭja Minharvykankama na temu raźvićcia epidemijałahičnaj situacyi ŭ krainie i horadzie Minsku za pieryjad z 20.10 da 10.11.2009».

Paśla atrymańnia adkazu na naš zvarot da Ministerstva achovy zdaroŭja i Kamiteta pa achovie zdaroŭja Minharvykankama my jašče raz vierniemsia da abmierkavańnia situacyi, źviazanaj z nadrukavańniem artykuła, jaki staŭ nahodaj vyniasieńnia papiaredžańnia.

Na žal, na momant napisańnia dadzienaha lista my nie majem adkazaŭ z vyšejpaznačanych instancyj.

U kancy kastryčnika — pačatku listapada skłałasia niezvyčajnaja situacyja. Minsk litaralna kipieŭ ad čutak, źviazanych z chvalaj hrypu. A aficyjnyja kiraŭniki orhanaŭ achovy zdaroŭja admaŭlali najaŭnaść lubych prablem. Naša ŭvaha da hetaj temy była abhruntavanaja abaronaj pravoŭ našych čytačoŭ. Kali b nie rozhałas vakoł prablemy, uźniaty ŚMI, sumnieŭna, što hramadstva i siońnia mieła b aficyjnyja źviestki pa statystycy zachvorvańniaŭ.

Zapeŭnivajem, što «Naša Niva» budzie publikavać vyklučna dastaviernuju infarmacyju.

• 0
• 0
• 0
• 0
• 0
• 0
• 0
• 0