Ideja Biełarusi pradać afrykanskim krainam kvoty na vuhlarodnyja vykidy, zdajecca, paciarpieła krach. Afrykanski rynak dobraachvotnych vuhlarodnych kredytaŭ zajaviŭ, što handluje tolki kampiensacyjami, jakija pradstaŭlajucca krainami Afryki, piša Reform.by sa spasyłkaj na Bloomberg.
Birža «budzie handlavać na svajoj płatformie vuhlarodnymi kredytami, jakija pachodziać z krain afrykanskaha kantynienta, ale nie ź inšych jurysdykcyj», — zajaviŭ Kvaniele Chłabanhana, kiraŭnik afrykanskaha rynku dobraachvotnych vuhlarodnych kredytaŭ (AVCCM). Jon taksama dadaŭ, što zamiežnyja miedyja «pasprabavali ŭciahnuć ich arhanizacyju ŭ hieapalityku».
Na klimatyčnaj kanfierencyi ŭ Zimbabve ŭ pačatku lipienia eks-prezident PAR Džejkab Zuma vystupiŭ ad imia biełaruska-afrykanskaj handlovaj asacyjacyi (BAFTA) i prapanavaŭ afrykanskim krainam kvoty na vuhlarodnyja vykidy. Dva miljony «vuhlarodnych kampiensacyj» pavinny byli być vystaŭlenyja na novaj biržy AVCCM, jakaja stvarajecca ŭ Zimbabve. Biełaruski bok paźniej zajaviŭ, što prapanuje kredyty lasnoj prahramy «Sibir».
U kamientary vydańniu pradstaŭnik BAFTA zajaviŭ, što arhanizacyja pavažaje kamiercyjnaje rašeńnie AVCCM. «Što tyčycca Zimbabve, to naša prapanova i namier zastajucca ŭ sile», — zajavili ŭ BAFTA.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary