Minabarony Ukrainy zajaviła, što maje mahčymaść źniščyć Čarnamorski fłot Rasii
«My stali našmat macniejšyja ŭ hetym płanie, čym hod tamu», — skazaŭ namieśnik ministra abarony Uładzimir Haŭryłaŭ.
Namieśnik ministra abarony Ukrainy Uładzimir Haŭryłaŭ zajaviŭ, što va USU ciapier isnuje mahčymaść źniščyć ci adahnać uvieś Čarnamorski fłot Rasii. Słovy namieśnika ministra 21 lipienia pieradaŭ Military Media Centre.
Svajoj zajavaj Haŭryłaŭ dapoŭniŭ niadaŭniuju zajavu Minabarony Ukrainy, pavodle jakoj usie sudny, što nakiroŭvajucca ŭ rasijskija ci časova akupavanyja ŭkrainskija party ŭ Čornym mory, z hetaha času ličacca vajennymi celami dla Ukrainy.
Dla hetaha, pa słovach namieśnika ministra, va USU ciapier jość usie nieabchodnyja srodki.
«My vielmi blizkija da realizacyi našaha abiacańnia, ahučanaha jašče hod tamu: zahnać uvieś Čarnamorski fłot u Tuapse ci Novarasijsk, nie dajučy jamu nivodnaha šanca na nabližeńnie da Kryma. U nas dla hetaha jość nie tolki «Nieptuny», ale i šmat inšych sistem. Čym daŭžej idzie hetaja vajna, tym mienš šancaŭ u rasijskaha fłotu vyžyć. Kali jany sumniavajucca, to ničoha — chaj pačakajuć», — papiaredziŭ Haŭryłaŭ.
Taksama jon adznačyŭ, što ciapier ukrainskaje vojska značna macniejšaje, čym było hod tamu. Asabliva heta datyčyć mahčymaściaŭ u mory.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary