U Tarasavie pradajuć dom za 1,5 miljona dalaraŭ — ź liftam i spa
U čatyrochpaviarchovym domie ŭ Tarasavie bolš za 600 kvadrataŭ ahulnaj płoščy. Jość piersanalnaja trenažornaja zała, spa-kompleks, try sanvuzły, dźvie terasy i pralnia.
Na dom źviarnuŭ uvahu telehram-kanał «Budni ryełtara», piša Realt.by.
Katedž znachodzicca na vulicy Lasnoj u elitnaj vioscy Tarasava, za dva kiłamietry ad MKAD. U abjavie napisana, što heta samaje vysokaje miesca Tarasava. Pobač jość les sa ściežkami dla prahułak, vadajom, niedaloka centr konnaha sportu ŭ Ratamcy.
Ahulnaja płošča katedža — amal 700 kvadratnych mietraŭ, žyłaja — 270. U domie dva žyłyja pavierchi, a taksama cokalny i mansardavy. Dla pierasoŭvańnia pa čatyrochpaviarchovym domie ŭstalavany lift. Jość kamin na drovach.
U domie čatyry spalni, u kožnaj ź jakich staić vialiki dvuchspalny łožak. U niekatorych jość televizar, šafy i pracoŭnaje miesca.
Sanvuzłoŭ u domie try.
U domie dźvie terasy na pieršym i čaćviortym pavierchach, jość trenažornaja zała.
Stajać škłopakiety ź mietałapłastyku Rehau, kandensacyjny kacioł De Dietrich Innovens PRO MCA 90 (90 kVt) z kiravańniem tempieraturaj pavietra na kožnym paviersie i punktavym rehulavańniem z termastatami va ŭsich batarejach doma. Praviedzieny optavałakonny internet i spadarožnikavaje telebačańnie. Jość sihnalizacyja i tryvožnyja knopki, a taksama sistemy kandycyjanavańnia i ŭvilhatnieńnia pavietra.
Płošča ŭčastka — 15 sotak. Ścieny cahlanyja, dach ź listavoj mietaładachoŭki. Aciapleńnie hazavaje, kanalizacyja centralnaja. Artezijanskaja vada sa śvidraviny.
Na ŭčastku asobna staić SPA-kompleks płoščaj 120 «kvadrataŭ» z basiejnam, saŭnaj i pakojem dla adpačynku. Taksama jość haraž na dva aŭtamabili z razietkami dla elektrakaraŭ.
Cana doma — 1 500 000 dalaraŭ. U abjavie napisana, što možna tarhavacca.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1313
Kamientary