Niadaŭna Hrodna zajmieła ŭłasny kałumbaryj, paviedamiła vydańnie «Viečiernij Hrodno». Śpiecyjalnaje miesca dla pachavańniaŭ źjaviłasia na adzinych dziejnych hrodzienskich mohiłkach Auls na ŭschodniaj uskrainie horada.
Uzvodzić kałumbaryj u Hrodnie pačali jašče viasnoj hetaha hoda. Jon znachodzicca na novaj terytoryi, jakuju dla mohiłak adviali niadaŭna.
Hrodzienski kałumbaryj ujaŭlaje saboju sucelnuju ścianu sa 136 bietonnych plit, kožnaja ź jakich składajecca z vaśmi jačejek. Atrymlivajecca, što adnačasova hety abjekt moža źmiaścić 1088 skryń z pracham. Pakul što nivodnaj zaniataj jačejki, praŭda, niama.
Svajho krematoryja ŭ Hrodnie, praŭda, niama, i budavać jaho nie płanujecca. Zhodna ź dziejnymi normami, krematoryj budujecca dla haradoŭ z nasielnictvam nie mienš za dva miljony čałaviek, u Biełarusi hetamu kryteryju adpaviadaje tolki Minsk.
Ale Haradskaja rytualnaja słužba ŭ stalicy prymaje zamovy i ad žycharoŭ inšych haradoŭ, pasłuha abydziecca ŭ 1955 rubloŭ. Skrynku z pracham zamoŭcu pieradajuć praz 10 dzion paśla kremiravańnia, ale kali dapłacić 100 rubloŭ, to možna atrymać prach užo na nastupnyja sutki.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia9
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary