Były błohier z kamandy A4 pra hastroli pa Krymie: A ŭ čym prablema?
Biełaruski błohier Uład Kabiakoŭ, jaki raniej byŭ u kamandzie Ułada Bumahi, pryjšoŭ na intervju da kiraŭnika ANT Marata Markava. Siarod pytańniaŭ abmiarkoŭvali i palityku.
Vajnu błohier nazyvaje SVA (śpiecyjalnaja vajennaja apieracyja — termin, uviedzieny rasijskaj prapahandaj). U spravie prasoŭvańnia dziaržaŭnaj simvoliki raić brać prykład z rasijskaha śpievaka Shaman (ura-patryjatyčnaha vykanaŭcy piesień «Ja ruski» i «Ustaniem»).
Łukašenku pachvaliŭ za samaironiju, razumieńnie trendaŭ i blizkaść da narodu.
«Jon jak błohier: adzin raz zalacieła — jon jašče raz vychodzić i dabivaje žart».
Pra 2020-y błohier kaža, što jamu paŭhoda spatrebiłasia, kab emocyi sucišylisia i jon razabraŭsia ŭ situacyi.
«U 2020 hodzie biełarusaŭ sprabavali źniščyć. Inšyja krainy sprabavali nas adcisnuć, nie puskali nikudy», — kaža Kabiakoŭ, ale nie ŭdakładniaje, što maje na ŭvazie.
«Ja lublu Rasiju hetak sama, jak i Biełaruś. Heta družalubnaja kraina. Tam ja vystupaju, katajusia z hastrolami, tut ja abažaju pryjazdžać u Minsk i adpačyvać, tamu i pieśni naradžajucca, jak «Bałałajka», — raskazaŭ błohier.
Letaś jon jeździŭ na hastroli ŭ Krym.
«A ŭ čym prablema? Heta terytoryja Rasii, heta maja aŭdytoryja, jakaja choča, kab ja pryjechaŭ i daŭ kancert. Nie razumieju, za što chvalujucca artysty, jakija nie jeduć tudy z kancertami. Tam vielmi mała kancertaŭ prachodzić», — padzialiŭsia Kabiakoŭ.
I adznačyŭ, što paśla intervju Markava spadziajecca, što zmoža sabrać «Minsk-Arenu».
U jutubie na Kabiakova padpisana 3,35 miljona čałaviek. Asnoŭnaja aŭdytoryja — dzieci i padletki. Jon zdymaje čelendžy i zapisvaje pieśni. Letaś ažaniŭsia ź minskaj biznesvumien Julijaj Kurjan-Kaściukievič.
Biełaruski błohier hastraluje pa Krymie
Błohiera-miljońnika Dzim Dzimyča, jakoha abvinavacili ŭ prapahandzie ŁHBT, prymusili apraŭdvacca na strymie ŭ Azaronka
U Minsku źbirajecca vystupić aŭtar patryjatyčnych rasijskich piesień «Ja ruski» i «Ustaniem»
Na komika Alaksandra Hudkova ŭ Rasii prosiać zavieści kryminałku za parodyju na pieśniu «Ja — ruski»
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany5
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary