Alaksandr Łukašenka niekalkimi ŭkazami, padpisanymi 28 lipienia, zrabiŭ kadravyja pryznačeńni ŭ vojsku. Najbolš važnym rašeńniem vyhladaje zvalnieńnie načalnika Hałoŭnaha raźviedvalnaha ŭpraŭleńnia — namieśnika načalnika Hienieralnaha štaba US hienierał-majora Rusłana Kasyhina.
Kasyhin zvolnieny ŭ zapas pa ŭzroście z pravam našeńnia vajskovaj formy adzieńnia i znakaŭ adroźnieńnia.
Rusłan Kasyhin byŭ kiraŭnikom HRU z 7 lipienia 2020 hoda. Jamu 55 hadoŭ, jon naradziŭsia ŭ krymskaj Jałcie i jašče z 2014 hoda vykazvaŭsia ŭ padtrymku ahresii Rasii suprać Ukrainy. U svaich kamientarach biahučaj situacyi jon niaredka skočvaŭsia da banalnaj kanśpirałohii.
Zamienić Kasyhina hienierał-major Uładzimir Kupryjaniuk. Raniej jon byŭ načalnikam štaba — pieršym namieśnikam kamandujučaha vojskami Zachodniaha apieratyŭnaha kamandavańnia US. Zamiest jaho ciapier pryznačany pałkoŭnik Alaksandr Łaŭrenaŭ.
Načalnikam Hałoŭnaj vajskovaj inśpiekcyi US pryznačany hienierał-major Andrej Harbacienka, jaki raniej kiravaŭ Minskim Suvoraŭskim vajskovym vučyliščam. Hienierał-major Ivan Bahusłaŭski, jaki byŭ načalnikam inśpiekcyi raniej, zvolnieny ŭ zapas pa ŭzroście z pravam našeńnia vajskovaj formy adzieńnia i znakaŭ adroźnieńnia.
Na pasadu načalnika Minskaha suvoraŭskaha vajskovaha vučylišča zamiest Andreja Harbacienki pryznačany pałkoŭnik Dźmitryj Kučuk.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary
Navierno, prišło vriemia naznačať hłavnoho raźviedčika iz kadrovoho riezierva prihožina iz dierievni Ciel .....
Voś tak kałhasnaja dyktatura i isnuje 30 hod: na pasłuchmianym padparadkavanni i vykananni usich złačynnych zahadau. I usie maukliva pahadžajucca.
Biedarusy. Žach
Navierno, prišło vriemia naznačať hłavnoho raźviedčika iz kadrovoho riezierva prihožina iz dierievni Ciel .....