Łatuška prapanavaŭ Polščy pryznać režym Łukašenki sponsaram teraryzmu
Temu pryznańnia režymu Łukašenki sponsaram teraryzmu namieśnik kiraŭnika Abjadnanaha pierachodnaha kabinieta i staršynia Nacyjanalnaha antykryzisnaha ŭpraŭleńnia Pavieł Łatuška abmiarkoŭvaŭ sa staršynioj kamisii pa zamiežnych spravach Siejma Polščy Radasłavam Fohielem i dyrektaram Centra ŭschodniejeŭrapiejskich daśledavańniaŭ Janam Malickim.
«Hałoŭnaj metaj sustrečy źjaŭlałasia pieradača spravazdačy ab złačynstvach suprać čałaviečnaści, apublikavanaj Centram prava i demakratyi Justice Hub 26 lipienia, u padrychtoŭcy jakoj udzielničała kamanda NAU», — paviedamlaje pres-słužba Abjadnanaha pierachodnaha kabinieta Biełarusi.
Adna z tem sustrečy — razhlad mahčymaści pryznańnia Siejmam Polščy arhanizacyj KDB i HUBAZiK terarystyčnymi, a režymu Łukašenki — sponsaram teraryzmu.
Na sustrečy byli pradstaŭleny abhruntavańni, padrychtavanyja ekśpiertami NAU, jakija apisvajuć terarystyčnuju dziejnaść hetych arhanizacyj: mihracyjnaja vajna suprać Jeŭrasajuza, prymusovaja pasadka samalota Ryanair, sistematyčnyja ataki na hramadzianskaje nasielnictva i inš.
«Polskamu boku było prapanavana padtrymać miechanizmy pryciahnieńnia da adkaznaści režymu Łukašenki za złačynstvy suprać čałaviečnaści», — zaznačajecca ŭ paviedamleńni.
«Staršynia kamisii pa zamiežnych spravach Siejma Polščy vykazaŭ hatoŭnaść abmierkavać hetuju prapanovu z kiraŭnictvam Siejma», — adznačajecca ŭ relizie.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
Kamientary