Žurfak sioleta nie nabiraŭ na płatnaje. Usich rychtujuć dla dziaržaŭnych ŚMI
Dekan fakulteta žurnalistyki BDU kandydat histaryčnych navuk Alaksiej Bialajeŭ raspavioŭ BiełTA, jak sioleta prajšła pryjomnaja kampanija na fakultecie.
«Trochi raniej u nas adbyłosia zaličeńnie na śpiecyjalnaść «infarmacyja i kamunikacyja», prachadny bał tam byŭ dastatkova vysoki — 369. Sioleta my zaličyli 22 abituryjenty. U piatnicu ŭ nas prajšło sumoŭje dla zaličeńnia na śpiecyjalnaść «žurnalistyka». Sioleta my trochi źmianili nabor, jon u nas adnosna nievialiki — usiaho 60 biudžetnych miescaŭ, i nabirajem studentaŭ užo pa sutnaści na novuju śpiecyjalnaść.
My aptymizavali navučalny płan i stvaryli adnu ŭniviersalnuju śpiecyjalnaść «žurnalist». Tamu ŭsie 60 čałaviek buduć žurnalistami, jakija atrymajuć prykładna adnolkavuju bazavuju adukacyju. Na starejšych kursach jany zmohuć prajści prafilizacyju i skancentravacca na vyvučeńni najbolš cikavych im pradmietaŭ: kahości zacikavić spartyŭnaja žurnalistyka, kahości — ekanomika, palityka ci kultura, mastactva», — raspavioŭ Alaksiej Bialajeŭ.
Na 60 biudžetnych miescaŭ sioleta było padadziena 79 zajaŭ. Pavodle Bialajeva skłaŭsia dosyć vysoki prachadny bał — 340 (z ulikam dvuch siertyfikataŭ CE, atestata i dvuch unutranych tvorčych vyprabavańniaŭ).
«Mnohija z abituryjentaŭ atrymali značna vyšej za 400 bałaŭ, jość i tyja, chto pastupiŭ z vynikam 475 bałaŭ. Usie abituryjenty prachodzili śpiecyjalny ŭnutrany ekzamien pa tvorčaści, jaki składaŭsia ź niekalkich častak. Jany pisali tvorčaje sačynieńnie, zdavali vusnaje testavańnie, dzie adkazvali na peŭnyja pytańni i pravodzili pracu nad pamyłkami pa ruskaj movie, taksama abituryjenty pradstaŭlali svajo partfolia», — raspavioŭ kiraŭnik fakulteta.
Što tyčycca adsutnaści ŭ hetym hodzie naboru na płatnaje adździaleńnie, Alaksiej Bialajeŭ padkreśliŭ, što pakul u hetym niama patreby.
«Heta vyklikana, pa-pieršaje, zapytam z boku dziaržaŭnych ŚMI. Jość surjoznaja nieabchodnaść papaŭniać kadry dziaržaŭnych srodkaŭ masavaj infarmacyi, i heta nie tolki centralnyja ŚMI, ale i rehijanalnyja. Tamu my vykonvajem zadaču dziaržaŭnaha zakazu pa papaŭnieńni žurnalisckimi kadrami ŭ pieršuju čarhu dziaržaŭnych arhanizacyj, ustanoŭ, srodkaŭ masavaj infarmacyi, redakcyj. Kali ŭ dalejšym my ŭbačym bolš šyrokaje pole pracy dla žurnalistaŭ, to, viadoma, možam adnavić płatnyja nabory, ale ŭ najbližejšaj pierśpiektyvie pakul u hetym nie majem patrebu», — prainfarmavaŭ jon.
Nahadajem, što za try hady represij niezaležnaja žurnalistyka ŭ Biełarusi amal źniščana, za kratami znachodzicca 35 supracoŭnikaŭ ŚMI i žurnalistaŭ. Niekatoryja, jak, naprykład, hałoŭnaja redaktarka Tut.by Maryna Zołatava i hiendyrektarka partała Ludmiła Čekina, fryłansier Ihar Łosik, błohier Eduard Palčys, žurnalist Dzianis Ivašyn, miedyjamieniedžar Andrej Alaksandraŭ pryhavoranyja da nialudskich terminaŭ.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary
to bok biełaruskaj nie budzie navat tam? a heta byŭ niekali adzin ź niešmatlikich fakaŭ, dzie movie nadavałasia ŭvaha
to bok budučyja miedyki, prahramisty, budaŭniki - davajci płacicia i za siabie, i za taho parnia? jaki potym budzie pudryć mazhi, atrymlivać ilhotnyja kvatery i inšyja pluški za našy hrošy?
a toje, što vy možacie być praŭładnaj hazietaj (jak ja za niekalki hod da 20 predrakała vam), vy dakazali paśla, kali... nu vy ponili)