Dačka Maryny Zołatavaj pra prysud: Chtości za nadumanuju spravu atrymaje zoračku na pahony. A maja matula niazłomnaja
19-hadovaja Nadzieja Kiškurna, dačka hałoŭnaha redaktara partała Tut.by Maryny Zołatavaj, vykazałasia nakont prysudu. Jaje słovy pryvodzić «Radyjo Svaboda».
Nadzieja pakul nie viedaje, jak navinu pra prysud uspryniali jaje baćka i małodšy brat. Sama jana razumieje, nakolki heta niespraviadlivy prysud i čamu heta adbyvajecca, u čym pryčyny i jakija padstavy takoj raspravy nad partałam, što ačolvała jaje maci.
Nadzieja raskazała, što pahladzieła napiaredadni prapahandyscki film, jaki pakazali pa BT.
«Ja navat nie mahu skazać, što heta drenny i nieprafiesijny film. U mianie asacyjacyja z apošniaj knihaj pra Hary Potera. Hary Poter bačyć maleńkuju čaścinku Vołan-de-Morta, jaki raspaŭsia ŭ pył, i hetaja maleńkaja čaścinka zabiłasia pad łaŭku… Ty hladziš na heta i dumaješ: nu što za ŭbostva, chto heta rabiŭ? Zrazumieła, što i ŭ filmie, i ŭ spravie niama dokazaŭ. Dziaŭčaty žartujuć pra «lalkavodaŭ», a aŭtary filma nasamreč heta surjozna ŭsprymajuć i interpretujuć. My ŭ hetym miescy prosta raśśmiajalisia!
Mnie zhadvajecca vierš Michała Aniempadystava:
«Ja baču pa televizary
dokazy ichnich złačynstvaŭ:
dva biełyja piorki i śviatło nietutejšaje.
Jano było macniejšaje
za śviatło studyjnych safitaŭ.
I dyktary apuskali vočy dołu.
Ja nie pavieryŭ ulikam».
Voś hety vierš dobra apisvaje film BT: hladziš i nie vieryš nivodnamu słovu», — kaža Nadzieja Kiškurna.
Što da reakcyi samoj Maryny Zołatavaj na prysud, jaje dačka Nadzieja pierakananaja, što maci heta mužna vytrymaje i nie złamajecca.
«Maja matula vielmi mocnaja, niahledziačy ni na jakija žudasnyja ličby prysudu i absurdnyja abvinavačańni, jakija lijucca z teleekrana. Matula maja nie złamajecca — jana ŭ nas niazłomnaja i vielmi-vielmi pazytyŭnaja. Atrymlivajecca zaŭsiody, što nie ty jaje padtrymlivaješ u listach, a jana ciabie.
Chtości za nadumanuju spravu Tut.by, mahčyma, atrymaje zoračku na pahony. Jak jany z hetym buduć žyć?» — zadajecca pytańniem 19-hadovaja Nadzieja Kiškurna.
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki
-
Minčuki ŭ čacie paskardzilisia na pracu palikliniki. Prapahanda abvinavaciła ŭ čerhach samich naviedvalnikaŭ
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary