Pradstaŭnik Pałka Kalinoŭskaha zajaviŭ, što Sachaščyk i Azaraŭ nie spravilisia. I anansavaŭ kanfierencyju ŭ Kijevie
«Va ŭmovach vajny vajskovy kampanient niepaźbiežny. My nie patrabujem, kab vajskovy i palityčny kampanienty stali niečym adzinym, ale treba pracavać supolna», — zajaviŭ Pavieł Kuchta.
Na Kanfierencyi «Novaja Biełaruś 2023» pačała pracu pieršaja dyskusijnaja panel «Što zrabili i što źbirajucca zrabić demakratyčnyja siły dla pierachodu da demakratyi?»
Jaje maderuje Źmicier Łukašuk.
«Va ŭmovach akupacyi vybary niemahčymyja. Treba stratehija: deakupacyja, i tolki potym demakratyčnyja vybary. Jakaja siła moža heta ździejśnić? Tolki supolny vyzvolny ruch»,— zajaviŭ na joj Pavieł «Vili» Kuchta, pradstaŭnik Pałka Kastusia Kalinoŭskaha.
«Va ŭmovach vajny vajskovy kampanient niepaźbiežny. My nie patrabujem, kab vajskovy i palityčny kampanienty stali niečym adzinym, ale treba pracavać supolna. Ciapier hetaj źviazki nie isnuje. Azaraŭ i Sachaščyk nie spravilisia z hetaj zadačaj», — zajaviŭ Kuchta.
«Vajskoŭcy ryzykujuć svaimi žyćciami, palityki musiać pracavać i trymać spravazdaču. Pasiŭnaje čakańnie ŭ zamiežžy — biezvynikovaje, heta padychod apartunistaŭ, a nie vyratavalnikaŭ krainy», — zajaviŭ Kuchta.
Kalinoviec vykazaŭ spadziavańnie na «siłavy, palityčny i resursavy składniki, abjadnanyja ŭ vyzvolny ruch». Połk Kalinoŭskaha hatovy być vajskovym centram i hatovy da pieramovaŭ. Kuchta anansavaŭ kanfierencyju ŭ Kijevie ŭvosień, kab abmierkavać novuju stratehiju zmahańnia.
Pradstaŭnik Pałka Kalinoŭskaha taksama zajaviŭ, što ŭ praviadzieńni Marafonu pa zbory srodkaŭ dla dobraachvotnikaŭ ciapier niama patreby. Kali spatrebicca, to Połk Kalinoŭskaha moža sam pravieści marafon, zajaviŭ Pavieł Kuchta.
Videaanłajn tut:
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos18
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5050
Kamientary