«Znajšli ŭ jaho ci to natatki, ci to vieršy. Ź im pačali vieści pracu». Na minułym tydni ŭ Piečach zastreliŭsia sałdat — Fłahštok
Samahubstva ździejśniŭ sałdat terminovaj słužby 72-ha Abjadnanaha navučalnaha centra ŭ Piečach Barysaŭskaha rajona. Homielskamu vydańniu «Fłahštok» udałosia parazmaŭlać z adnym z sałdataŭ, jakija prachodziać słužbu ŭ hetaj vajskovaj častcy.
Chłopiec, pavodle źviestak vydańnia, zastreliŭsia ŭ noč z 3 na 4 žniŭnia.
«Sa strelbaŭ vynies niejki śpiecyfičny patron, hałavy ŭ jaho nie zastałosia. Kažuć, jon nie chacieŭ u vojska. Admazvaŭsia. Ale zabrali. Niadaŭna znajšli ŭ jaho ci to natatki, ci to vieršy. Ź im pačali vieści pracu. Za jaho ŭziaŭsia hałoŭny ideołah. I paśla hetaha chłopiec zastreliŭsia», — cytuje słovy sałdata «Fłahštok».
Pres-słužba Minabarony pra zdareńnie nie paviedamlała.
Pavodle źviestak telehram-kanała «MotolkoPomohi», zahinułaha zvali Illa.
Pa infarmacyi «Našaj Nivy», imavierna, havorka idzie pra 307-ju škołu ŭ Piečach.
«Ideołah Piačeńnik», pra jakoha zhadvaje krynica «Fłahštoka», — heta padpałkoŭnik Dźmitryj Piačeńnik, namieśnik načalnika škoły pa ideałohii. Ale «Naša Niva» nie maje infarmacyi, ci sapraŭdy jon zajmaŭsia sałdatam, jaki zahinuŭ.
U hetaj ža škole ŭvosień 2021-ha zastreliŭsia žaŭnier. A letaś u adnaho z kursantaŭ znajšli pieradśmiarotnuju zapisku. Tady heta praduchilili.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1616
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ16
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał22
Kamientary
Za ŭse adkažacie
A jeŝio v chodie rasśledovanija nie vyjti na siebia.
Iźviestnoje dieło: sieržanty i diedy tam odni złyje mocckali. I oni nieŝadno hnobiat naščadkaŭ bylinnych litvinaŭ, aha. Duraki tak i tianuco k uproŝieniju. Duraki oni takije po obie storony barrikad)